Page 12 - AHATA

4 LOCAL AWEMainta
Ora Dos Entrada no ta Suficiente
E Realidad pa Famianan na Aruba
NA Aruba, e imagen di un bida trankil riba un isla hopi biaha ta
sconde un realidad economico creciente: mas y mas hogar mester
di dos of hasta tres entrada djis pa keda cu cabes riba awa. Loke
antes tabata un clase medio stabiel awor ta pega den un ciclo di
traha di mas y gana di menos, cu hopi Arubiano trahando trabou
full-time,den combinacion cu “side hustles”, of hasta mante-
niendo tres trabou pa cubri e costonan di bida cu ta sigui subi.
Añanan pasa, un solo salario por a mantene un cas modesto,
paga e cuentanan, y permiti pa spaar un tiki. Awe, esey casi no ta
e caso mas. E costo di bida—specialmente pa vivienda, cuminda,
y utilidadnan—ta sigui subi, mientras cu salarionan no a crece
cu nan. E ‘preta’ economico aki a pusha mas hende den traha
oranan extra, anochinan laat, y weekendnan, hopi biaha na costo
di nan salud y tempo pa famia.
No ta straño pa tende di un hende cu ta traha un trabou durante
dia, ta core un servicio di ‘delivery’ anochi, y ta bende cuminda
of artesania den fin di siman. Loke un tempo tabata un manera
pa bay dilanti—tuma un di dos entrada of cuminsa un negoshi
chikito—awor a bira un tactica di sobrevivencia pa hopi den e
clase trahado y clase medio di Aruba.
Famianan ta sinti e presion mas tanto. Cu ambos mayor trahando
full-time, preguntanan ta lanta: ken ta cuida e yiunan? Ken tin
tempo pa yuda cu huiswerk, cuida mayornan di edad, of simple-
mente sosega? Tempo, cu antes tabata algo normal, a bira un
luho. Algun ta depende di famia grandi pa sosten, pero hasta nan
hopi biaha ta combinando multip rol.
Emocionalmente, e peso ta grandi. Burnout, ansiedad, y stress
Dialuna, 7 Juli 2025
financiero ta birando parti di bida diario pa hendenan cu ta haci-
endo tur cos “corecto” pero ainda no por haya un rosea. Pa hopi,
dia di pago ta nifica djis un otro ronda di cuenta pa paga. Spaar
pa futuro—of hasta pa un vakantie chikito—ta for di alcance.
Y toch, e lucha aki ta den gran parti invisibel. Riba superficie,
Aruba ainda ta mustra prospero, cu edificionan nobo lantando y
turistanan yenando e cayanan. Pero tras di cortina, hopi Arubiano
apenas ta logra yega fin di luna, maske nan ta trahando mas duro
cu nunca.
E cantidad creciente di hende cu multipel trabou of negoshinan
chikito ta mustra e spirito y resiliencia di e pueblo Arubiano—
pero e ta revela tambe un sistema cu no ta funcionando pa tur
hende. Famianan di clase medio ta sintiendo nan mes den preta,
y sin cambio, mas hende lo sigui slip for di stabilidad bay den
modo di sobrevivencia.
Loke ta necesario ta mas cu sacrificio personal. Nos mester di polit-
icanan y solucionnan cu ta haci bida mas accesibel y sostenibel.
Esaki por inclui cuido di mucha subsidia, miho opcionnan di
transporte, asistencia pa vivienda, y programanan cu ta reduci e
costo di coriente y awa pa famianan trahado. Sosten pa empre-
sarionan local y salarionan husto tambe ta hunga un rol grandi
den cambia e situacion.
Arubianonan ta trahadonan duro, creativo, y enfoca riba comu-
nidad—pero ningun hende no mester traha tres trabou djis pa
‘break-even’. Un clase medio fuerte, nifica un Aruba fuerte. Ta
tempo pa nos sigura cu traha mas duro di berdad ta nifica biba
miho.