Page 11 - MIN VOS

AWEMainta Diasabra, 10 Juni 2017 19

Esther Croes invita pa ta Hues na

“China National Games”

RECIENTEMENTE sra. Esther Croes
a haya e tremendo honor di a wordo invita
pa participa como Hues den e deporte di
Landamento Sincronisa n’e “China National
Games”, cu ta wordo organisa cada 4 aña
na China.
Esther Croes tin 28 aña di experencia den e
deporte aki como Hues.
Na principio como Hues General, pero
recientemente a wordo promove p’e cat-
egoria “Judge- A” cu porcierto t’e categoria
mas halto cu tin den FINA, e Federacion
Mundial di Natacion cu ta reconoci pa IOC
(International Olympic Committee).

E “China National Games” t’e weganan mas
importante pa China, unda un total di 31
diferente deporte ta participa, y na unda
nan ta forma nan seleccion p’e siguiente
ciclo Olimpico.
Porcierto e tabata un gran honor pa por ta
Hues, hunto cu 9 otro Hues procedente di
diferente pais di mundo, den un competen-
cia asina grandi y di un di e nivelnan mas
halto na mundo.
E competencia a tuma lugar na Tianjin, cu ta
keda mas o menos 1 ora y mey for di Beijing.
Fuera di tabata hopi ocupa na piscina taba-
tin un tiki tempo pa siña conoce algo di e
pais. Berdaderamente un experiencia unico!