Page 25 - JUS

Hopi biaha habitantenan ta informa FCCA di problema ora
cu “baca a hoga caba”

Publication: Friday, 13 March 2015. Categoria: General

Maroushka Rafinid y FCCA

ORANJESTAD(AAN): Na momento cu Minister di Husticia Arthur Dowers a bishita e barionan
di FCCA cu ta worde afecta pa ola di criminalidad, a invita funcionarionan di e entidadnan aki pa
ta presente y scucha tambe loke e habitantenan tin di bisa.

di e funcionarionan cu tabata presente ta Maroushka Rafini, kende ta hefe di e seccion “woon en
wijk Beheer”, cu ta e seccion cu ta atende e problemanan social den e barionan.

Segun el a splica den un declaracion cu el a duna na final di e bishita ta cu, FCCA no solamente
ta sinti warda kehonan drenta, pero nan mes ta bishita e barionan regularmente, y asina ta detecta
algun cos cu ta pasa cu no ta corecto.

“Nos ta haya keho hopi biaha encuanto hobennan, di maltrato, di problema cu e casnan mes,
etc.” El a splica cu pa loke ta e kehonan di mantencion di e edificionan, mester tuma contacto cu
departamento di mantencion di FCCA. “Tin biaha berdad e ta tarda un poco, pero nos ta purba
haci nos best pa yuda tur e hendenan.” Un di e problemanan cu a bin ta tende hopi di dje, ta
hobennan den bario cu ta causa destruccion, cu no tin nada di haci y ta aglomera, treciendo
consecuencianan negativo. Rafini a sigura cu si nan ta na altura di kende e hobennan aki ta, ta
tuman contacto cu e mayornan, sino ta vigila e situacion y ta tuma contacto cu e instancianan cu
por yuda den e problemanan aki. Pa loke ta e post di polis destrui, el a duna di conoce cu na
momento cu un oficina of un post keda bashi pa hopi tempo, hendenan di e bario of rond ta
destrui esaki. E ta lamenta cu hopi biaha bisiñanan no ta raporta na tempo ora cu mira cu un
situacion ta bayendo for di man, ora cu a cuminsa destruccion di un cas of un post. “Nan ta
warda e baca hoga pa nan tuma contacto cu nos, pero e destruccion a tuma luga caba.” Esaki ta
causa no ta sinti su mes sigur pa bay den un oficina asina aki. E por a compronde tambe, cu asina
cu Polis di Bario atende un hoben riba destruccion cu worde cometi, e hoben mes of su famia ta
vandalisa e luganan.

http://www.diario.aw/2015/03/hopi-biaha-habitantenan-ta-informa-fcca-di-problema-ora-cu-baca-a-
hoga-caba/