Page 29 - JUS

Homber ta haya multa di 600 florin door di cana cu cuchio

Publication: Friday, 13 March 2015. Categoria: Judicial
ORANJESTAD(AAN): E acusado A.M mester a bay corte di husticia recientemente, door cu el a
wordo acusa di posesion di arma (un cuchio) den L.G. Smith Boulevard riba 10 di Januari 2015.
Como cu A.M no a paga e multa cu el a haya for di polis e tempo ey, e mester a presenta dilanti
di huez na corte di husticia.
Huez a repasa procesverbal di polis, despues di cual fiscal a presenta e evidencia y su exigencia
di castigo.
Mirando cu e multa cu polis a dune tabata 500 florin, fiscal a exigi 20% mas manera ta
custumber, pues el a exigi pa A.M paga un multa di 600 florin.
Huez na final a duna su veredicto mesora.
El a haya e acusacion comproba y a condena A.M pa paga un multa di 600 florin.
Si e no por paga esaki den un tiro, e por purba yega na un areglo cu Ministerio Publico.

http://www.diario.aw/2015/03/homber-ta-haya-multa-di-600-florin-door-di-cana-cu-cuchio/