Page 34 - JUS
P. 34
Trudy Hassell na fabor pa traha un prison nobo cu ta mas
den centro di Aruba
Publication: Friday, 13 March 2015. Categoria: General
Directora di KIA:
ORANJESTAD (AAN): Tanten cu tin diferente idea riba mesa, un factor importante ta e falta di
placa, pasobra tur cos ta draai rond di placa awendia. Un prison moderno cu tur facilidad y
oportunidad pa programanan di resocialisacion y reintegracion pa e detenidonan lo costa entre 50
pa 70 miyon florin y tin diferente motibo pakico Trudy Hassell ta di opinion pa traha un KIA
nobo cu ta mas den centro di Aruba.
E director nobo di KIA a splica cu el a wak un mapa pa un prison nobo, pero no ta cumbini pa e
prison nobo wordo construi den e mesun area unda KIA ta ubica awo. E efectonan di salpeter ta
un di e razonnan principal. No solamente mester uza materialnan di construccion sumamente
caro, pero e mantencion tambe lo costa masha hopi placa.
Hassell a bisa cu pa e parti ey so caba mester trece KIA un poco mas den centro di Aruba.
“Banda di esey, mundialmente prisonnan tin como regimen pa purba di resocialisa e
detenidonan. Hincando prisoneronan practicamente den lama y laga nan sinti cu nan no ta forma
parti mas di e sociedad no ta e forma ideal pa por mustra nan cu nan tambe por cambia nan bida
y nan tambe ta pertenece na nos sociedad,” Hassell a splica.
El a bisa cu e ta kere den loke el a wak na Hulanda, unda cu prisonnan ta construe meymey di
ciudad y hasta cu tempo e ciudadanonan ta pidi pa e prison no bay pasobra tin e beneficio entre
otro di siguridad mas estricto cu ta haci e hendenan sinti sigur den e area pasobra tin vigilancia
tur ora. E relacion familiar y cu nan otro sernan keri ta hopi importante pa e detenido den su
proceso pa resocialisa y reintegra den sociedad.
Ubicando e prison mas den centro di nos isla tambe lo yuda fomenta pa encurasha mas bishita di
famia y amigonan, como cu ta mas facil pa nan yega na e prison. Hassell ta splica cu
particularmente hendenan grandi ta experiencia molester pasobra si nan ta biba leu por ehempel
