Page 32 - JUS

Passport biometric ta drenta na vigor dia 24 di November
2015

Publication: Friday, 13 March 2015. Categoria: General

Consul Mirza Gnecco cu yamada na Colombianonan

ORANJESTAD (AAN) – Den entrevista cu señora Mirza Gnecco Pla, Consul General di e
Republica di Colombia, e dama a haci un yamada na e residentenan Colombiano cu ainda no a
renova nan passport pa haci esaki mas pronto posible.
Sra. Mirza Gnecco a menciona: “Colombia, desde aña 2010 a implementa e passport biometric y
di acuerdo cu un convenio di Gobierno Colombiano y e Organizacion Internacional di Aviacion
Civil, tur ciudadano Colombiano mester porta e passport biometric cu zona di lectura mecanico,
entrante dia 24 di November di e aña aki”.

Pa e motibo aki e Consul General di Colombia ta invitando e miles di ciudadanonan Colombiano
cu ta residi na Aruba, pa nan tin presente e circunstancia aki pa nan bin mas pronto posible pa
renova nan passport.

Na tur esnan cu tin pensa di viaha e aña aki e ta pidi pa por fabor haci esaki lihe, pa evita
aglomeracion y rijnan largo den e fechanan previo cu e medida ta drenta na vigor, cu el a reitera
ta dia 24 di November di e aña aki.

Ta importante pa señala cu independientemente di e fecha di vencimento indica den e
documento, cu por ta aki dos, tres of mas aña, despues di dia 24 di November proximo, nan NO
por wordo utiliza mas.

Otro informacion importante cu Consul sra. Gnecco Pla kier a transmiti un biaha mas na su
conciudadanonan ta, cu tin cerca di 600 cedula Colombiano den e Consulado, cual titularnan no
a bin retira nan. Un yamada tambe ta bay na e personanan concerni pa pasa busca nan I.D y
tambe nan por drenta den e pagina web di e Consulado pa constata cu nan cedula teynan.