Page 18 - AWEMAINTA

18 AWEMainta Diaranson, 25 Juli 2018

Minister Ruiz Maduro a ricibi

grupo di grandinan di Centro Kibrahacha na BSK

DIALUNA parti mainta reemplazando nos
Minister Presidente di Aruba cu ta cu vacacion,
señora mr. Xiomara Ruiz-Maduro a ricibi
nos grandinan 60+ na Bestuurskantoor. Nos
grandinan a haya un paseo den e edificio di
Cocolishi caminda nan a wordo mustra cada
kantoor di ministernan y nan personal. E grupo
di Nos Grandinan 60+ a wordo acompaña pa nan
leidsternan, como tambe un grupo di muchanan.
Despues minister Ruiz-Maduro den nomber di
promer minister di Aruba a ricibi nos grandinan
den sala di conseho di minister, aki a duna un
presentación di e trabaonan cu cada ministerio
a bin ta haciendo desde inicio di Gabinete
Wever-Croes, como tambe a splica riba e trabao
y responsabilidad diario cu cada ministerio tin.
Minister Ruiz-Maduro a gradici nos grandinan
pa nan trabao y esfuersonan na desaroyo di nos
pais y pidi bendicion di nos tata celestial pa cada
uno di nan. Ademas e mandatario a ofrece cada
bishita un treat di pasabocanan dushi arubiano
manera drigidek, pan boyo, koeki lerchi y tert,
como tambe algo pa refresca e carganta. Nos
grandinan a keda masha contenta y agradecido
pa e recepción cu nan a ricibi di parti gobierno
di Aruba y a desea e mandatario hopi éxito den
su trabao na bienestar di nos pais.