Page 16 - AWEMAINTA
P. 16
16 AWEMainta Diaranson, 25 Juli 2018
Gabinete Wever - Croes cu atencion pa camindanan di santo den mal estado
DIFERENTE bario rond Aruba tin necesidad
pa asfalt pa mas 10, 15 y hasta 30 aña. Despues
di asfalta camindanan na e.o. Sero Preto y Pavia,
e biaha aki a toca turno n’e area di Sero Biento
pa Wayaka.
Ministerio di Infrastructura ta gradici e bisiña/
habitantenan pa nan comprension durante
dianan di trabou.
Departamento DOW conhuntamente cu
Ministerio encarga cu Infrastructura a sinta
hunto pa trata e necesidad pa careteranan cu
hopi aña ta di santo wordo, pa nan por wordo
asfalta, pa cual ta informa comunidad cu e
trabounan ta den ‘full swing’.
Ya a asfalta na Piedra Plat y actualmente ta
trahando riba e conexion cu mester bin di Sero
Biento pa Wayaka.
A base di un inventarisacion cu a wordo haci
pa determina riesgonan cu por presenta dor
di e trabounan y tambe e cantidad di uzo cu
e caretera tin actualmente ta ehecutando e
trabounan cu lo wordo haci tambe na Bubali y
Papaya entre otro!
Tin basta trabou pendiente y ta spera cu por
finalisa esakinan pa fin di luna.
