Page 25 - bon-dia-aruba-20210106

A25
reino Diaranson 6 Januari 2021

Vacunacion lo cuminsa na e

islanan den Caribe

Minister De Jonge a informa Tweede Kamer na Hu-
landa tocante e vacunacion. Ta trata di Corsou, Aruba,
Sint Maarten y islanan BES.

Mescos cu na Hulanda ta start cu vacunacion di personal den
cuido y personanan riba 60 aña. Na e islanan BES tambe lo
sucede mesun cos.
Na Saba y Statia lo vacuna henter poblacion den un tiro, mi-
rando e cuido ta limita y e populacion ta hopi mas chikito.
Mita januari ta anuncia cua vacuna nan lo haya sea Pfizer/
BioNTech of Moderna.

Corsou no ta exigi

biaheronan pa keda 14 dia

den cuarentena obligatorio

For di prome di januari e exigencianan pa por biaha pa
Corsou a keda ahusta. Esaki ta encera cu biaheronan
no mester ta 14 dia den cuarentena obligatorio mas na
momento cu nan yega Corsou.

Esaki ta conta tambe pa a paisnan di riesgo , manera Hulanda
y Merca. Loke si ta keda exigi ta pa cada pasahero tin den nan
poder un PCR test negativo y cu ta haci 72 ora prome cu nan
biaha. Tambe un di e exigencianan ta pa cada pasahero yena un
Passenger Locator Card (PLC). Sinembargo e medidanan aki
no ta conta pa pasaheronan di 6 aña of mas jong.

Ley ta prohibi pesca riba kreeft y calco di cierto tamaño

Durante un patruya rutinario na bordo di un Metal Shark, e personal di Wardacosta
a nota dos homber cu tabata sambuya y saca kreeft y calco for di awa.

E hombernan tabatin un cantidad grandi di kreeft y calco hunto cu nan, cu tabata demasiado
chikito. Pa ley, e ‘visserijlandsbesluit’, ta prohibi pa saca calco mas chikito cu 18 centimeter y
kreeft mas chikito cu 25 centimeter for di awa pa consumo.
E motibo pa esaki ta cu e animalnan aki ta ser menasa cu extension. E calco y e kreeft chikito
no ta haya chens pa desaroya bira adulto y como tal no por reproduci. E ley ta prohibi pesca
tambe riba kreeft cu ta cambiando su casca of kreeft cu ta den fase di reproduccion.