Page 58 - MIN TTC OCT 23, 2015

Comision di Turismo a reuni cu Minister di Turismo y ATA
pa discuti e Corporate & Businessplan 2016 di ATA

Publication: Friday, 23 October 2015. Categoria: General

Parlamentario Jennifer Arends-Reyes

ORANJESTAD (AAN): Segun sra Arends-Reyes den calidad di presidente di comision fiho di
Parlamento di Turismo a reuni manera aña pasa cu e Minister encarga cu Turismo y ATA (Aruba
Tourism Authority) prome cu e aña caba. Esaki pa trata e cifranan di 2015 y con e aña ta
compara cu añanan anterior y kico ta spera pa sera aña cun’e.

Tambe 2016 kico ta spera di dj’e, ki ahuste lo tin mirando diferente desaroyo cu tin den e
mercadonan y con e strategia lo ser adapta. Comision huntu cu su miembronan y otro
miembronan cu a participa na e reunion a ricibi un presentacion amplio tocante e cifranan di
2014 compara cu 2015 y di e ‘budget y corporate plan pa 2016′.

Ki nan diferente miembro a haci pregunta relaciona cu e presupuesto di ATA pa 2016. A toca
diferente punto di atencion pa nos isla cu tin relacion cu Turismo manera e mercado Venezolano
cu ta nos segundo mercado mas grandi y con ATA lo kier atende cu e ‘retonan’ cu nan Pais ta
confrontando sin cu afecta e mercado aki cu pa gran mayoria ta contribui hopi na nos economia.
A toca e topico di hotelnan All-inclusive y nan efecto ariba e contribucion cu nan tin den nos
economia compara cu hotelnan cu no ta All-Inclusive. E efecto di otro accomodacionan riba
hotelnan cual mester bisa cu tin espacio riba mercado pa tur dos tipo di accomodacion. Si nan
keda na otro accomodacion no necesariamente kiermen cu nan lo gasta menos na Aruba.
Seguridad tambe a bin como un topico cu tawatin hopi pregunta riba dj’e y e planes cu tin pa
2016. Beach policy y exploracion di varios mercado nobo manera Colombia, Mexico pa Aruba
tambe a ser treci dilanti. Turismo Crucero tambe a ser treci dilanti Y kico ATA ta haciendo pa
stimula e turismo aki mas. Tambe con Aruba ta bayendo compara cu resto di Caribe. Un reunion
tocante e maneho di Turismo sigur hopi importante cu a duna e miembronan di e Comision fiho
di Parlamento e oportunidad pa haci nan preguntanan relaciona cu Turismo pa 2015 y kico ta
premira pa 2016.

http://www.diario.aw/2015/10/comision-di-turismo-a-reuni-cu-minister-di-turismo-y-ata-pa-discuti-e-
corporate-businessplan-2016-di-ata/