Page 61 - MIN TTC OCT 23, 2015

Lo introduci un tarifa pa peticion di verlenging di estadia di
turista

Publication: Friday, 23 October 2015. Categoria: General

ORANJESTAD(AAN): E suma no a wordo determina
ainda, pero Aruba ta bay introduci un tarifa riba e peticion di verlenging di estadia di turista.
Esaki Minister Benny Sevinger a laga sa den un entrevista e siman aki.
Despues cu a sondea con otro paisnan ta maneha e tipo di permisonan aki y por a wak cu tur ta
cobra un cierto tarifa, a dicidi cu ta bira tempo pa Aruba tambe cuminsa cobra pa e extension di
estadia di turista.
Minister Sevinger a splica cu DIMAS ta ricibi masha hopi peticion pa extension di estadia di
turista y, ademas di mara un tarifa na dje a dicidi di bin cu algun otro cambio/regla. E tarifa ta un
suma halto, el a añadi.
Ora e maneho wordo finalisa lo publica esaki den tur medio di comunicacion y, naturalmente por
tuma contacto cu DIMAS tambe pa e informacion nobo.
Un turista por keda Aruba pa un maximo di 180 dia pa aña, e tempo cu nan por keda ta depende
di nan entrada. Ta sosode cu mucho frecuencia ultimamente cu ta haya e turistanan na pia di
trabao den diferente negoshi. Esaki no ta permiti cu e permiso di turista y lo tuma paso
inmediatamente contra e turista y su dunado di trabao.
Minister Sevinger a bisa cu den pasado e turista cu wordo gara ta traha tabata bisa cu nan no por
deport’e pasobra e tin un permiso di turista. Actualmente, el a agrega, riba e verlenging ta wordo
specifica cu ta prohibi e persona cu tin e permiso di turista pa traha. E permiso ta wordo revoca
di biaha, e turista tin chens di wordo deporta y inmediatamente e dunado di trabao ta haya un
boet, el a subraya.
Esakinan ta medidanan cu gobierno ta tumando pa “rem af” ilegalidad un poco.