Page 62 - MIN TTC OCT 23, 2015

Ademas di cobra pa e extension di permiso di estadia di turista, lo pidi pa un persona cu ta biba
na Aruba para “garant” pa e turista y lo acerca e persona tambe si ripara cu e turista no a sali for
di Aruba den e tempo stipula riba su permiso.

E “garantstelling” ta mara na e salario di e persona cu ta para garantia y e salario ta determina
cuanto persona e por para garant p’e. E persona local ta responsabel pa sa unda e “turista” ta ora
autoridadnan acerk’e.

Un otro punto di atencion ta “seguro”. Ta wordo exigi pa e turista prueba cu e tin un seguro pa e
temporada cu e ta na Aruba.

E di cuater y ultimo regla cu ta wordo aplica ta cu turista mester mustra cu e tin un ticket pa sali
for di Aruba den e tempo stipula.

E reglanan aki tambe lo yuda impedi cu hendenan lo pidi verlengining di permiso di turista pa
keda Aruba pa traha ilegalmente.

Asina cu e cambio wordo haci y aproba, e beleidsinstructie lo wordo publica, Minister Sevinger
a laga sa.

Lo tin controlnan intensivo y lo tin un grupo trahando hunto, incluyendo DIMAS, IASA, DAO,
OM, Polis y, posiblemente Departamento di Impuesto.

http://www.diario.aw/2015/10/lo-introduci-un-tarifa-pa-peticion-di-verlenging-di-estadia-di-turista/