Page 63 - MIN TTC OCT 23, 2015

Mester tene cuenta cu situacion financiero di compania pa
mantene su stabilidad

Publication: Friday, 23 October 2015. Categoria: General
ANSA na sindicato STA

ORANJESTAD (AAN) – Nilky Kock, director di ANSA, tabata presente den e negociacion cu
sindicato STA pa loke ta un CAO nobo pa controladornan aereo.
Den combersacion cu Kock, el a splica cu el a duna un presentacion di nan ultimo proposicion di
1.5 miyon. STA inicialmente a bini cu un proposicion di 3 miyon y despues uno di 5.2 miyon cu
a pone e partidonan hopi mas leu di otro, segun Kock.
E momento ey e Minister encarga, Otmar Oduber, a interveni y a pidi ambos partido pa tira awa
den biña. ANSA a bay back den seno y a haci un analisis cu nan accountant pa mira cual ta e
espacio financiero, a haci algun ahuste den e plan di inversion pa acomoda mas tanto posibel e
deseonan.
Y a bini back cu un proposicon di 1.5 miyon. Siman pasa no a logra splica e propuesta di 1.5
miyon. Siman pasa STA a bini cu un oferta di 4.7 miyon, pero ora cu accountant di ANSA a
analisa esaki, a resulta cu e proposicion tabata di 5.2 miyon Florin.
Den e reunion, segun Kock a splica, STA a bisa cu ANSA a mal compronde algun di nan
puntonan y na final e proposicion di nan a keda na 4.7 miyon Florin. Pues e partidonan ta hopi
leu for di otro. Kock a bisa nan cu innecesariamente e proceso a bay asina dificil, ya cu a bay
mas leu di otro enbes di acerca otro. Y esaki no ta contribui na un bon ambiente toch. Si tin e
proposicion di 3 miyon, e ta mas facil pa yega na otro.
ANSA su entrada ta bini di loke nan ta cobra aerolineanan cu ta bula pa y for di Aruba. Esaki ta
nan unico entrada y no ta ricibi placa for di Gobierno. E proposicion di 4.7 miyon ta algo sigur
cu ANSA lo no por cumpli cune. “Esey ta realidad di e compania y for di inicio nos tabata hopi