Page 10 - AHATA
P. 10
Diamars, 2 December 2025 AWEMainta COMUNIDAD 29
Minister Wendrick Cicilia contento pa anuncia
LATAM Airines awo cu vuelo pa y for di Bogota
DIALUNA 1 di december a habri cu bon noticia
di parti di LATAM Airlines, awo comunidad
Rubiano tin mas escogencia pa biaha pa Bogota.
“Awe, e esfuerso y trabou cu nos a haci durante
nos bishita na Bogota algun luna atras ta duna
su fruto positivo pa Aruba”, asina Minister di
Turismo mr. Wendrick Cicilia a bisando.
Minister Wendrick Cicilia conhuntamente cu CEO
di A.T.A. Ronella Croes y Business Development
Executive di AAAe Jo-Anne Arends a anuncia cu
awo LATAM Airlines ta añadi 3 vuelo pa siman
for di Aeropuerto El Dorado, Bogota. E logro
aki ta importante pa loke ta trata e strategia di
diversificacion pero tambe pa e localnan cu kier
conecta cu Colombia.
E ruta nobo aki di Bogota-Aruba Aruba-Bogota
ta un esfuerso colectivo di diferente partnernan
den turismo. “Nos ta sigui impulsa e diversifica-
cion di turismo na Aruba. E ruta Bogota-Aruba
di LATAM Airlines ta fortalece e conectividad di
Aruba y ta expande nos alcance den e region”,
asina Minister di Turismo mr. Wendrick Cicilia a
finalisa bisando.
