Page 8 - AHATA

4 LOCAL AWEMainta
Loke no ta wordo mira den e debate tocante salario abou
Comentario di un grupo di empresario chikito na Aruba
E articulo cu AWEMainta a publica ayera, a toca un
punto sensitivo. Cu rason. Hopi trahado ta sinti nan
mes subestima, mal paga y agota (“kima”). Nan storia
mester wordo scucha. Pero ken cu kier hiba e debate
tocante trabou y dignidad na manera husto, mester
scucha tambe e bos di empresarionan chikito.
Nos no ta papia na nomber di tur dunado di trabou —
Sigur no e cadenan grandi di hotel, no e frankicianan
internacional, y sigur no pa empresanan cu ta abusa
Diamars, 2 December 2025
di nan personal, pasobra eseynan ta existi — pero na nomber di e hopi empre-
sarionan chikito cu tur luna mester scoge entre huur, inventario (“voorraad”),
primanan, cuenta di coriente, y e salario di nan trahadonan, mientras nan mes
hopi biaha ta wordo paga na ultimo y ta lucha diariamente pa sobrevivi den un
Aruba cada bes mas caro.
Den e debate hopi biaha ta wordo sugeri cu dunadonan di trabou ta scoge consci-
entemente pa salario minimo. Pero pa empresanan chikito mayoria biaha e no ta
un escogencia. Nan no ta draai ganashinan grandi; hopi no ta draai ganashi mes.
E gastonan ta sigui subi: Huur, importacion, seguro, gastonan di energia. Un
aumento di salario modesto ta zona logico y husto, pero pa un empresa chikito e
por nifica e diferencia entre sigui existi of cera porta.
Y si un negoshi cera, trahado y dunadonan di trabou ta perde nan entrada. Ningun
hende ta gana.
E reproche cu un trahado mester haci tarea di tres, ta doloroso, pero e ta cuadra
parcialmente. No pasobra empresarionan chikito kier esey, pero pasobra nan
no por paga tres salario separa. E margennan ta mucho fini. P’esey ta pidi un
esfuerso amplio: Un tiki caha, un tiki inventario, un tiki limpiesa.
E alternativa no ta un funcion miho paga cu menos peso — pero ningun funcion.
Tin empresa cu ta haci esey, pero hopi empresario chikito net no. Nan kier trahado
local, pasobra nan conoce e cultura, hopi biaha ta keda mas largo y ta construi un
lason cu clientenan. Pero tin biaha simplemente no tin suficiente solicitante local.
Tin biaha e trabou ta fisicamente pisa. Tin biaha e oranan ta dificil pa combina cu
bida priva. Esey no ta flohera — esey ta un “mismatch” (falta di cuadra).
Toch empresanan chikito hopi biaha ta wordo poni den e mesun grupo cu
dunadonan di trabou grandi cu si ta abusa. Esey ta inhusto.
E imagen cu empresarionan ta indiferente, no ta cuadra. Nos conoce nos traha-
donan na nomber, sa ora nan yiu ta malo, y ta purba duna aumento unda ta
posibel. Tin biaha 50 florin, tin biaha 100. Nos sa cu e no ta suficiente, pero e ta
e maximo cu e empresa por carga. Pasobra empresarionan tambe ta pega den e
mesun sistema.
E discusion ta formula robes. Trahado y empresarionan chikito no ta para contra
otro. Nan ta para banda di otro, ambos pega den un sistema cu ta mucho caro,
mucho pisa y mucho rigido.
Un salario minimo mas halto por yuda, pero sin aire y sosten pa empresanan
chikito e ta crea solamente bancarota — y cu esey desempleo.
Scucha trahadonan. Pero scucha empresarionan chikito tambe.
Pasobra un debate husto no por existi sin ambos bos.
Y Aruba no por bay dilanti si e fundeshi — nos empresanan chikito — cay afo.