Page 44 - DESPA

Busca bo vacuna prome cu bo bay biaha pa cierto paisna na
mundo cu por tin epidemia di cierto malesanan

Monday, 05 June 2017 18:40
Comparti

Vacunanan cu ta duna na Departamento di malesanan contagioso, ta mayoria biaha ta pa biaheronan,
segun John Henriquez, kende ta un verpleegkundige, di e departamento di malesanan contagioso. Awor
aki tin un exigencia pa Colombia, vooral awor aki pa keintura geel. Tambe pa Brazil.

Pasobra na Brazil tin un epidemia di keintura geel, e ora ta haya cu e region rond di Brazil, caminda cu
Colombia ta cay aden. Tin e parti di Surinam tambe ta cay aden, ta exigi pa haya e vacuna di Keintura
Geel. Tambe ta haya personanan cu ta bay biaha pa otro parti na mundo, cu hopi biaha ta exigi otro tipo
di vacuna, cual ta e Hepatitis A. Esey ta dun’e en general, pa personanan cu ta bay na paisnan caminda cu
ta haya e parti di cuminda, cu hopi biaha no ta mucho bon. Ta duna vacuna di Hepatitis A, pa evita pa
hay’e. Tambe ta haya DTP, cu tin cu duna pa evita cu personanan por haya Tetanus. Ta vacunanan cu ta
wordo aplica durante daña pa e biaheronan.

Nos ta bay drenta den e periodo di vakantie y ta pidi pa personanan cu ta dicidi pa bay biaha, vooral pa
bay Brazil, Colombia. Tambe tin personanan cu ta bay India of otro parti di e region Asiatico, ta
recomenda pa bin na tempo pa tuma e vacunanan. Si ta bay tuma tres vacuna, hopi biaha no ta duna nan
pareu. Ta duna dos y e ora tin un lapso di tempo pa tuma un di tres vacuna. Por ehempel e keintura geel.
Na momento cu ta bay un pais cu ta exigi vacuna, sigur mester ta minimo 10 dia prome cu bay e pais,
mester tuma e vacuna. Pero por tum’e mas prome y e vacuna di keintura geel ta un vacuna cu ta valido pa
bida largo.