Page 46 - DESPA

Marlon Croes: A scale down e operacionnan pa loke ta e
oilspill

Monday, 05 June 2017 22:24
Comparti

Marlon Croes, director di DOW, a duna un update riba e trabaonan cu a wordo haci riba e oilspill. E ultimo
conferencia di prensa cu a wordo duna tabata diamars siman pasa y desde diamars, e ekipo di DOW, Rampenbureau,
Directie Scheepvaart, DVG y Meteo, cual ta e gruponan relevante, a traha basta hopi pa nan por a move yen di
trabao, pa nan por a tene nos beachnan limpi. Durante e dianan ey, e trabaonan basicamente a wordo
monitorea, evalua, a base di tur loke a subi nos costa, a tuma e decision si ta scale up, of scale down e
operacion. E monitoreo a wordo haci door di Marinierskazerne, door di Turtugaruba y door di e mesun
ekipo di DOW, cu a haci tur e trabaonan mainta tempran, pa ora cu reunion cuminsa 8'or of 8'or y mey,
por sa kico ta e trabaonan cu tin cu desplega pa e dia ey.

Diahuebs cu a pasa ultimo, tabata tin boluntarionan cu a yuda. Nan a haci un tremendo trabao hunto cu e ekiponan,
pa tabata tin extra capacidad pa nan por a haci e beachnan limpi y desde diahuebs pa diabierna, biniendo pa fin di
siman, a bin ta constata cu tin diferente beachnan ta kedando limpi. E cantidad di tarballsnan y azeta cu ta yega na
nos beachnan a bira significantemente hopi menos. A base di esey a tuma e decision cu diabierna caba, a scale down
e operacion, cu ta bay over na sigui monitorea, sigui evalua y haci e trabaonan necesario. Esey a sosode den fin di
siman, pero naturalmente tur ta pasa den un experiencia nobo di un oilspill di e forma aki y na turno di DOW, a
consulta cu Repsol, pidi ayudo y Repsol, como un compania responsabel, a bisa cu e ta duna sosten door di trece
oilspill response limited Aruba, pa bin asisti e ekipo di Aruba pa wak si e trabao cu nan ta haci a wordo haci
corectamente, unda mester mehora. Tambe wak con ta bay deal cu diferente di e contaminacionnan y con por traha
un plan pa futuro.

Un otro ayudo cu Repsol a duna den e caso aki, ta cu nan tabata tin un barco den vecindario y nan a mand'e Aruba cu
ekipo cu material pa si acaso tin un menasa di oilspill biniendo nos costa, tin material cu por uza pa preveni esaki
yega nos costa. Esey ta e trabaonan cu a wordo haci door di e ekipo.