Page 45 - DESPA

Cantidad di hende trahando den sector di cuminda ta keda
subi cada aña y aña pasa a duna 13 mil carchi di salud

Monday, 05 June 2017 18:37
Comparti

Cada aña e cantidad di persona trahando den e sector di bende cuminsa ta keda subi. E trabao tin su
fruto. E cantidad di carchi di salud tabata 13 mil, aña pasa. E aña anterior tabata 11 pa 12 mil. Toch e ta
subi cada aña. Tin mas luga toch ta habri y cada bes tambe mas hende ta bin traha. Muchanan tin scol ta
cuminsa traha, aunke nan tambe ta haci test.

Muchanan cu ta stage, ta topanan hopi den mercado laboral, restaurant cu take aways. Nan tambe tin
nan carchi. Y net awor aki nan ta stage. Si haya e carchi di nan ta bon. Cada aña, segun Geerman, scol
mes ta mandanan den Juni of Juli, prome cu e temporada di scol, pa nan haci e testnan. Una bes ora nan
cuminsa cu les, nan tin cu haci stage. Ora nan bay traha den restaurant, ta exigi nan tambe. Mas
conciente Door di e controlnan, ta haci cu e hendenan ta bira mas conciente pa e informacion yega na
nan. Actividadnan Regularmente tur actividad cu pidi un permiso via polis, ta wordo envolvi unda cu nan
ta duna e vergunning. Un di e exigencianan tambe ta e carchi di salud pa e persona cu ta traha of bende
cuminda den cierto actividadnan. Hopi biaha den actividadnan, ta hendenan cu no tin restaurant, of nan
no tin un negoshi, segun Marlyn Geerman.