Page 47 - DESPA

Salubridad Publico tin den pipeline un programa unda ta
acerca damanan cu ta traha den prostitucion riba caya

Monday, 05 June 2017 18:40
Comparti

John Henriquez a splica cu departamento di malesanan contagioso, ta handle e damanan di anochi cu ta
bin legal. Esnan cu ta traha riba caya ta keda un problema. Tin den pipeline un programa unda cu nan
por acerca e personanan aki. Atrobe nan a yega di menciona esaki anteriormente, cu no ta zomaar ta
acerca e personanan aki.

Si bay mes ta pa bay wak e parti di salubridad. E departamento aki no ta traha den e parti si e ta legal of
ilegal. Nan ta bay mas bien riba e persona su salud, si e ta bon, si e por traha y dun’e informacion cu e tin
cu proteha su mes y tambe proteha e personanan cu ta bin tuma servicio cerca nan. E parti di legalidad ta
keda den man di Dimas y polis, cu ta percura pa e orden publico. San Nicolas E control ta keda na San
Nicolas pa awor aki, segun Henriquez. Den futuro lo por tin programanan caminda cu por acerca
esunnan cu ta traha ilegal, pero eseynan no ta cosnan cu ta bay facil tampoco. Resultadonan di afo
Normalmente ora cu un persona, ta dicidi cu e ta bin traha na Aruba, e ta tuma contacto cu doño di bar of
vice versa, nan sa cu nan tin cu haci nan testnan, prome cu nan bin Aruba. Ora cu nan bin Aruba, atrobe
ta ripiti e testnan aki. Ora cu nan drenta, e testnan ta bon, pero ta haci e control y e biaha eynan, tin
cierto momento ta gara un persona cu por ta cu no por keda, pasobra e no ta cumpli cu e rekisito di e
testnan cu e mester haci. E ora eynan ta avisa e persona mes cu e no por keda Aruba y e tin cu bay bek su
pais. Preocupacion John Henriquez a splica cu nan ta keda haya casonan di malesanan transmiti
sexualmente. Ta haya nan semper via e dokter di cas of un specialista cu ta keda meld cerca e
departamento. Na momento cu haya nan, ta keda atende nan. Tin caso cu lamentablemente door cu kisas
e persona mes no ta desea pa hende haya sa unda e ta, ta perde e casonan ey y e casonan eynan si ta keda
casonan lamentabel. Esaki ta pasobra cu e personanan aki, hopi biaha nan no ta asisti na dokter. Of si
nan bay, nan no ta caba di cumpli cu un kuur completo, e ora ta keda un problema.

E ora e ta keda fastioso pa salubridad publico mes tambe. Tin cu corda semper cu salubridad publico tey
pa wak pa nos poblacion. Pa purba di contene e casonan pa e ta menos. Pero dado momento ta haya
personanan cu no ta bin eynan, of no ta bay cerca nan dokter di cas pa tuma tratamento y e casonan aki
ta keda casonan fastioso. Ta haya cu nan no ta haya informacion manera cu e mester ta y dado momento
e personanan aki, si nan ta keda sexualmente activo, por ta nan no ta bay haci uzo di proteccion pa keda
proteha e otro personanan cu ta tene relacion sexual cu nan. Esey ta e parti fastioso cu Salubridad
Publico ta haya. Ta conta pa homber y muhe E ta conta pa homber y muhe, pasobra casonan cu ta wordo
gemeld na Salubridad Publico, ya ta homber y muhe nan ta. No ta homber so, of muhe so. Awor aki no ta
papia di un tipo so. Ta papia di ambos. Volg e curamento Hopi biaha cu e personanan ta bay eynan na
Salubridad Publico, ta keda sigui e desaroyo, con e proceso a bay cu e pashentnan e ora. Cifranan no por
bisa nada awor aki. Loke si sa cu Salubridad publico ta keda haya casonan di malesanan transmiti
sexualmente. Henriquez ta atende e casonan cu nan ta haya como melding.