Page 2 - AM210320

2 AWEMainta
Mientras cu Prome Minister ta cuestiona comportacion di pueblo
Ta mesun pueblo a mustra gobierno
riba e normal economico nobo
GOBIERNO, DVG y Crisis team a cuestiona y critica
e comportacion di pueblo riba Dia di Himno y Bandera,
despues cu gran mayoria di hende, a dicidi si subi caya,
drenta auto core rond y pa falta di un of otro actividad cul-
tural y deportivo tradicional, a dicidi di topa unda cu ta pa
celebra e fecha nacional aki.
Ayera mainta Prome Minister Evelyn Wever Croes, ora cu
ainda no a cumpli ni 24 ora cu a celebra dia nacional aki,
a presenta varios cambio, pues medida caminda ta bolbe
limita pueblo y kier elimina algun cos esencial den e bida
tradicional di hendenan riba e pida baranca aki.
Cu lo no otorga ningun permiso pa eventonan social, ta algo
cu ya ta na vigor caba y loke si ta nobo, pero cu ya tabata
conoci pa pueblo caba, esta cu lo no otorga permiso pa cam-
pamento y tampoco ta permiti famianan bay campa banda
di lama den ranchonan of esnan cu sa cay keda algun dia
riba rifnan rond Aruba.
Loke a bin nobo tambe ta cu si antes tabata permiti 25 hen-
de na un entiero, esaki awor a bira 10 hende cu tampoco
tin su logica ya cu si un hende fayece caminda por ehempel
ta un famia grandi, di cinco pa seis yiu, cu tin yiunan nan
casa y cu nan yiunan, automaticamente e sala lo ta tin di
famianan cerca di e difunto y ta con ta bay bisa e hendenan
aki, cu nan no por atende e acto di entiero of cremacion di
nan ser keri.
Pues e total di 10 hende ey pa entiero mester mas claridad,
si ta trata di 10 hende conoci di e famia of difunto cu ta bin
brinda nan ultimo respeto n’e difunto y conbibi cu e famia
of e total di 10 ta conta tambe pa famianan cerca di esun
cu a bay laga e mundo aki?
Loke tambe ta un tiki controversial t’e hecho cu a tuma otro
medida cu barnan lo no ser permiti pa habri por lo pronto,
pero ta papia cu den e tipo di lugarnan aki, ta permiti sola-
mente un musico den e lugar y no ta permiti bailamento,
pero ta na unda e hendenan lo bay pa baila manera ultimo
dianan, no ta den barnan rond e isla?
Diasabra, 20 Maart 2021
Kisas e decision di Gobierno relaciona cu e desaroyo aki, ta
caminda a dicidi cu na casnan no ta permiti bishita, lantan-
do no solamente iritacion grandi, pero tambe e ta muestra
di un incapacidad di esun cu a bin cu e pensamento aki.
Tin hende cu ta cuida di nan grandinan, cu tin cu pasa na
cas di nan mayornan pa atende cu nan, cu ta bishita e famia
den fin di siman, ya cu en realidad t’esey no a resta pa loke
ta actonan social c’un famia por haci.
Al contrario un famia cu ta comportando nan mes, cu sem-
per ta percura pa proteha otro manera a bin ta sosode den
hopi famia den ultimo aña, no por bin impone un medida
asina, creando mas tension cu ya ta existi caba den e bida
familiar rond e isla.
Ta un derecho sagrado di tur hende, di conbibi cu nan famia,
di keda uni den famia y e unico cos logico cu por haci, ta di
sigui insisti pa miembronan di famia mes percura pa nan
comportacion, percura pa no contagia otro y ora cu ta nece-
sario, e famia mes tuma medida di precaucion pa evita cu
ta haci otro daño.
Pero pa bin dilanti y bisa cu ningun hende no por ricibi
bishita na cas, ta algo realmente sin sentido of ta rekeri un
aclariacion mas logico di e asunto aki y no loke a wordo par-
ticipa ayera mainta, anto sigur despues cu Gobierno mes a
organisa un ceremonia riba Plaza Betico Croes caminda a
viola por completo distanciamento social.
Mientras cu Gabinete Wever Croes tabata papia hopi di un
normal nobo, riba Dia di Himno y Bandera den cierto sen-
tido, pueblo a mustra Gobierno kico por lo pronto lo bira e
normal economico nobo tambe, ya cu ta saliendo for di cas,
buscando algo pa haci, ta pueblo mes ta pone placa lora,
hincando placa bek den circulacion, cu compra di bandera,
t-shirt of lansonan bunita, mientras cu tambe ta bin acerca
e placa cu ta wordo gasta pa cumpra algo otro, algo dushi
of algo di come hunto cu algo di bebe.
Pueblo a subi caya y pueblo a hinca bek den economia cu
ta otro ehempel di e normal nobo, pero cu ya pa pueblo ta
un tradicion, esta cu pueblo di Aruba mes, manera semper
a sosode den tur crisis, lo carga e economia aki ta ora cu
cosnan normalisa.