Page 5 - AM210320

Diasabra, 20 Maart 2021 AWEMainta 5

Gobernador Boekhoudt y señora

presente na ceremonia protocolar

DIAHUEBS 18 di maart 2021 Gobernador di Aruba,
Alfonso Boekhoudt, hunto cu su esposa Hanneke
Boekhoudt-Koetse a asisti n’e ceremonia protocolar
en conexion cu Dia di Himno y Bandera.
P’e ocasion aki, Minister di Finansa, Asunto
Economico y Cultura, Xiomara Maduro, a ricibi
Gobernador Boekhoudt y su esposa na Plaza
Libertador G.F. Betico Croes.
Despues cu a hisa e bandera di Aruba, e coro di
mucha di Scol Cacique Macuarima a canta e himno
nacional, bou direccion musical di maestro Danny
Koolman y cu traduccion den lenguahe di seña pa
Stella Montsanto.

Prome Minister Wever-Croes a tene un discurso,
sigui pa un oracion di pastor Andry Jose, pa Pais
Aruba. Como ganado absoluto di ‘Poëta di Patria
2021’, Frenk Lorenzo-Croes seguidamente a
presenta su poëma. Dos ganadot di e festival ‘Un
Canto pa Aruba su Himno y Bandera’ a canta un
cancion: John Maynard-Wever (categoria 7-9 aña,
2020) y Caylee Pietersz (categoria 10-12 aña, 2021).
E coro di mucha di Scol Cacique Macuarima tambe
a canta dos cancion: ‘Mi Aruba’ y ‘Lama’. Banda di
esey, e hobennan di Club di Movimiento a duna un
presentacion di baile.
Clausurando e ceremonia, un bes mas e coro di
alumnonan di Scol Cacique Macuarima a canta e
himno di Aruba.

(foto Gabinete Gobernador)