Page 27 - MIN VOS 23 MAART 2016

E momento ey tin discusion ken a bin cu e malesa, ken a corta horea di ken. E tipo di cosnan ey ta hopi
sensitivo y fastioso, vooral si tin yiunan envolvi. Pero no ta na Aruba so ta mira esey. E ta algo cu ta mira
den e region tambe.
Pesey ta bisa cu ora cu tene relacion sexual pafo di bo matrimonio o sea cu e mesun sexo of cu e otro
sexo, proteha bo mes pa bo no trece HIV so, pero otro malesanan tambe den bo cas, den e matrimonio,
caminda cu hopi biaha ta finalisa den divorcio. Pasobra cu un di e parehanan no ta acepta e situacion y
pa mas tanto cu puba di guia nan, mayoria biaha e no ta bay bon.
E parti di guia matrimonio, esey no ta tarea di DBZ. Tarea di DBZ ta pa yuda den e parti di e malesanan
transmiti sexualmente pa esakinan ta bao di control. Koolman a splica cu pa sinti cu tin aids, ya caba e ta
hopi leu. E momento eynan ta pasobra e sistema imunologico ta asina abao cu malesanan oportunistico
ta haya tur chens di probecha di bo curpa.
Den sentido cu si haya un griep, e persona ta keda un siman un tiki malo, ta tosa, ta bebe remedi y ta
recupera. Den caso di HIV no. Ora un persona no ta uzando tratamento y e virus tin su curpa asina
domina cu e mes no por bringa ningun malesa mas, e momento ey, un simpel griep por bira un
pulmonia.
Esey ya caba por duna un indicacion cu vooral si e ta dubbelzijdig, si e tin tur dos parti pulmon afecta, cu
dokter saca potret di e pulmon, e por pensa cu e por tin HIV. Na e momento ey e ta laga test di biaha.
Mayoria biaha, ora cu ta papia di Aids, ta papia di un of di dos of tres malesa oportunistico, manera un
griep cu bira un pulmonia, of cancer di cuero, asina tin mas malesa cu locual cu nos por pasa door di dje
y e curpa ta bring’e, pero un persona cu HIV, su curpa no ta bring’e, pasobra su sistema imunologico no
por deal cu e virusnan aki.
E virus ta domin’e y e ta bira malo. Ora cu e bira malo, manera haya pulmonia, e ta worde tuma den
Intensive Care, e tin cu bay na beademming, y na dado momento, si su curpa no por brin’ge mas, e
persona por fayece. Y esey eigenlijk no ta necesario, segun Koolman.
http://www.diario.aw/2016/03/haciendo-test-cu-adictonan-ambulante-no-a-resulta-dje-dramatico-
manera-hende-a-spera/