Page 30 - MIN VOS 23 MAART 2016

Salud Pleister di grafeno cu ta permiti gestiona

diabetes

on: March 22, 2016In: Life StyleNo Comments
Print Email
LONDON, Inglatera – Un grupo di cientifico Sur Coreano a desaroya un pleister di grafeno cu lo facilita e
gestion di diabetes ora di midi nivel di glucose den sanger y administra e remedi adecua, e revista
Britanico Nature nanotechnology a publica diamars.
Investigadornan encabesa pa Dae-Hyeong Kim, di e Instituto di Ciencia Basico di Seoul, a proba riba
ratonnan diabetico e pleister chikito semitransparente aki, capas di detecta glucose atrabes di sodo.
E autornan a subraya cu e bentaha di e sistema aki, cu a proba tambe den dos varon sano, cu lo ta mas
practico y menos invasivo cu e metodo actual di prik dede di e pashent.
Pa elabora e pleister aki, a combina grafeno cu particulanan di oro y un pida di e metal aki, cu e fin di
crea un material flexibel y semitransparente, cu por wordo pega den e parti pafo di e brasa.
E pleister, cu ainda no ta full desaroya, a permiti evalua nivelnan di glucose den e sanger di e ratonnan y
despues administra nan e dosis corespondiente di e remedi antidiabetico metformina, Efe a splica.
Investigadonan ta apunta cu e grafeno ta un material cu un gran potencial pa wordo uza den
dispositivonan electronico di e tipo aki, pues ta flexibel, ta conduci electricidad y por ta suave, fini y
transparente.
Sinembargo, ta adverti cu e manera cu e ta wordo sintetisa, ta limita su uzo den dispositivonan
electrokimico pa e deteccion di marcadonan biokimico, manera PH, Ion y biomolecula.
E pleister, cu ta wordo presenta den Nature Nanotechnology, ta capas di coregi den real time e PH y e
temperatura pa ofrece mayor fiabilidad.
Ora cu e pleister desaroya, pa e e ekipo di Kim, detecta un concentracion halto di glucose den sodo, e ta
activa un mecanismo caminda cu algun microhangua ta disolve su capa protector pa procede na
administra e metformina.
Cientificonan ta apunta cu, prome cu por proba e pleister riba pashent, mester mehora e mecanismo di
administracion di e remedi.
Fuente: El Universal
http://masnoticia.com/salud-pleister-di-grafeno-cu-ta-permiti-gestiona-diabetes/