Page 29 - MIN VOS 23 MAART 2016

No ta pasobra el a controla y ta bisa cu ta bay tene relacion sexual cu un prostituta sin proteccion,
pasobra cu mey mey di e tempo ey no sa kico por a pasa. E ta keda semper consehabel pa uza un
condoom y den e barnan nan tin condoom disponibel.
E por worde uza, bo mes por bay cu dibo tambe, pero ta keda stess riba dje cu no ta pasobra nan ta
controla, esey kiermen cu bo po tene relacion sexual sin condoom. Esey no ta e caso, segun Koolman.
Damanan cu a yega di bin for di exterior, ta un biaha a bin resulta cu un dama a bin HIV positivo.
E persona a bin cu su testnan negatief. Y dia cu a haci e test di nobo, e test a sali positivo. E por tabata cu
ta yama e Window Period cu e mes no tabata sa cu tabata esey. Por ta el a laga un otro hende haci test
di sanger pe. E tempo ey no a saca esey afo, pero e modo cu e persona a reacciona, Koolman ta pensa cu
e no tabata sa.
E tempo ey e testnan tabata diferente cu awo. Awor aki e testnan ta hopi mas sensibel. Ta catchnan
hopi mas tempran. E tempo ey esey no tabata e caso. Pero e manera cu e dama aki a reacciona, no
tabata bao di e impresion cu e tabata sa.
Y mester a gui’e y no por informa ningun otro hende, pasobr ta su secreto medico, pero na cierto
momento e mes a dicidi di bisa e doño di bar cu el a bin trha pe y e doño di bar a yud’e pa vang op e
dianan y pa percura pa cumpra su ticket y su cosnan pa el ‘a bay back.
A dun’e tambe carta cu e mester a bay cun’e pa Colombia, pa e bay busca ayudo pasobra no por djis
manda e persona. Mester percura tambe cu si un persona ta infecta aki y tin cu bay back, esey ta conta
tambe pa personanan indocumenta, esta ilegal, cu ta na Aruba y cu ta bay back repatria na nan pais. Tin
cu purba di yuda nan mas tanto posibel pa nan drenta e sistema, e vangnet di nan pais, pasobra no ta
asina cu como Aruba ta bisa cu ta mande back sin mas. Y tin cu bay y ta laga e hende pa su cuenta.
Salubridad Publico no po haci esey.
E parti di etica di e trabao, tin cu percura cu e persona toch ta haya e guia, por ta no semper e
tratamento, pero si e guia y mas tanto tratamento posibel, na e pais di cual e ta bin. DBZ a yega di haci’e
cu Venezuela, Hulanda, Colombia, Republica Domincana, cu e persona kier bay back y door cu su status
ta ilegal of den caso si haya cu un animeerdame cu ta informa e pais di caminda e ta bin, of e dokter di
dje, cu tin contacto cun’e, cu e bisa ken e ta, e ora ey of ta dune su carta y tur su informacionnan pa e
bay cune y wak pa e por drenta den e sistema. Pasobra cu manera cu e tratamento ta worde duna na
Aruba, no ta tur pais tin’e, Koolman a splica. Hulanda sigur cu si, pero no ta tur tin’e asina bon regla y
sistema social cu tur eseynan ta bin acerca cu ta hopi mas dificil, segun Koolman.

http://www.diario.aw/2016/03/pa-nan-propio-proteccion-ta-exigi-e-animeermeisjesnan-pa-haci-un-
test-e-momento-cu-nan-yega-aruba/