Page 28 - MIN VOS 23 MAART 2016

Pa nan propio proteccion ta exigi e
animeermeisjesnan pa haci un test e momento
cu nan yega Aruba

Publication: Tuesday, 22 March 2016. Categoria: General

ORANJESTAD(AAN): E damanan di anochi ta bin cu e testnan di afo. Esaki ta worde exigi pa e persona su
mesun proteccion pero tambe di e clientenan, ya tin un idea kico e ta bin cun’e.
Pero, segun Sharline Koolman, hefe di Departamento di Malesanan contagioso, pa e dama no haci e
gastonan innecesario. Tin biaha e persona por laga otro hende haci e test, e ta haci daño na su mes.
Pasobra si e yega Aruba y e test resulta cu e tin algo riba dje, e ta gasto pa e dama aki. No tin cu lubida
cu ora nan bin Aruba, nan tin cu paga nan ticket, nan tin basta gasto pa haci y ora cu nan yega aki cu un
resultado asina, DBZ ta manda nan back na nan pais. DBZ ta duna un negatief advies na Dimas, e ora e
dama tin cu bay back.
Pa un dama asina aki bin cu un test falsifica, ta gasto pa su mes e ta. Pesey ta haci e testnan na Aruba y
ta pidi a bin cun’e, pa e proteccion pa su mes, pa e sa kico e tin y no tin. Pa DBZ tin prueba di un prome
test, pero ta haci tur tur cos di nobo ak.i E persona tin cu haci’e dentro di 24 ora manera cu yega Aruba,
segun ley.
Ta tuma test di sanger dialuna y diamars si tin algo, laboratorio ta notifica diamars mainta cu tn algo, cu
e sanger no a sali bon. Sino tin nada, pa diamars atardi of diaranson mainta ta ricibi resultado di
laboratorio. E potret di pulmon tambe ta word saca riba diaranson. Tambe si tin algo pa e dia ey ya caba
sa cu tin algo cu no ta bon.
Ley ta bisa tambe cu e personanan aki no mag di traha te ora cu nan haya e permiso di trabao. Es decir,
te ora cu DBZ informa Dimas cu e personanan aki mag traha, e ora si el a yega dialuna, pa diaranson
atardi, of diahuebs mainta ya caba e persona sa si e mag traha si of no.
En principio dialuna, si e persona yega diadomingo, ta te diahuebs pa diabierna e mag di traha. Si polis
pasa y haya nan ta traha, e por stopnan y tambe e por laga informa Dimas cu e persona aki ta trahando
siendo cu e no mag.
Y nan tambe por tuma medida di saca e persona afo. E testnan no mester ta tur siman, pero e damanan
aki si mester bay tur siman dokter.
E control tin cu sosode tur siman solamente riba indicacion, si e persona ta sinti algo y e dokter ta haci
test. Pero e test completo ta solamente na comienso. Un dama cu ta duna sevicio, cu a worde controla
pa DBZ y ta worde controla pa dokter di cas, no tin cu lubida cu e personanan aki ta duna servicio na
mas cu un hende.