Page 66 - MIN JUS 27 OCT 2015

Mas di 20 sospechoso condena den casonan di
Belasting

Posted on 10/27/2015 11:31 am AST | Updated on 10/27/2015 11:37 am AST

ORANJESTAD - Mas di binti sospechoso a wordo condena siman pasa pa Corte den
Prome Instancia pa paga multanan den un asina yama “belastingzitting”, e prome den su
clase. En total 21 persona a wordo condena pa multanan di 3.000 florin of menos, pa
motibo cu nan no a haci aangifte of no a haci aangifte dentro di e terminonan indica di
Inkomstenbelasting/Premies Volksverzekeringen pa 2011 y/of 2012. Den algun caso e multa
tabata parcialmente condicional.

SUMA TOTAL

Tur multa conta hunto, e suma total ta yega 57.000 florin, di cual 16.000 florin ta condicional.

MANEHO MAS ESTRICTO

Ministerio Publico lo, den dialogo cu Directie Belasting, hiba un maneho mas stricto ainda pa
loke ta persecucion di sospechosonan cu no haci aangifte of no haci aangifte dentro di
terminonan y viola e reglanan di belasting. Periodicamente lo tene tratamentonan tematico den
Corte. E intencion ta, den contacto estrecho cu Corte, pa aki tres pa cuatro luna bolbe tene otro
belastingzitting.

http://www.noticiacla.com/news/4250