Page 64 - MIN JUS 27 OCT 2015

Lider cu ta guia muchanan sera como sospechoso di
inmoralidad

Publication: Tuesday, 27 October 2015. Categoria: Judicial

ORANJESTAD (AAN): Tabata increibel pa
mira un homber presenta dilanti Hues, cu ta un lider cu ta guia muchanan, cu mester duna cuenta
pa loke el a haci.

Fiscal a bisa cu e acusacion contra e homber M. ta cu durante 2015, e a haci actonan inmoral cu
un mucha muher di 17 aña.

ABOGADO A PIDI PA SCUCHA TESTIGO: Den sala di Corte tabata presente e hoben dama
victima, cu a bin acompaña di abogado mr. Caster y algun persona. Tambe tabata presente
familiarnan di e sospechoso M.

Abogado mr. Illes a bisa Hues cu el a haya dos caha yen di documento encuanto e caso mucho
laat y no a haya debido tempo pa studia esaki bon pa asina por defende su cliente debidamente.
Tanto Fiscal como Hues a bay di acuerdo cu e peticion y a puntra e abogado cu mirando cu ta
pospone e caso, si e tin peticion pa haci algo promer cu e caso.

E abogado mr. Illes a bisa Hues cu te asina leu cu e por a mira e documentonan, e kier scucha te
awor un testigo.

Fiscal kier a fiha un fecha pero Hues a hala su atencion cu tin palabracionnan haci den Corte di
Husticia, cu e Hues cu a haya e caso lo mester fiha un fecha riba cual e tin turno pa asina e mes
trata e caso.

CASO POSPONI: Hues, despues di a wak den su agenda, a fiha dia 4 di December pa 8.30 di
mainta pa trata e caso. Hues a bisa tambe cu e ta honra e peticion di abogado mr. Illes pa scucha
e testigo. Hues a bisa cu e ta instrui Hues Comisario pa scucha e testigo y tambe Hues lo informa
Hues Comisario cu e caso ta poni pa worde trata dia 4 di December 2015.

Abogado mr. Illes a keda di facilita address y telefoon di e testigo pa asina tur cos cana mas liher
posibel.