Page 63 - MIN JUS 27 OCT 2015

El a haci tambe un apelacion riba comunidad pa asistencia cu tipnan pa yuda polis resolve
casonan, pasobra loke un persona ta kere cu no ta importante of relevante, por ta hustamente e
detaye cu polisnan mester pa completa e investigacion.

Pa tipnan tin un tiplijn special. Dowers a menciona cu ainda husticia tin un recompensa di 5000
florin pa esun cu por duna un tip cu ta conduci na detencion di e personanan cu a atraca un
juffrouw di scol na su cas.

E mandatario a pidi tambe pa mayornan yuda di nan parti cu e educacion di nan yiunan, cual ta
un contribucion grandi na e caminda cu nan ta scoge pa sigui riba dje. No tur ora ta wak
mayornan ta tuma accion pa corigi nan yiunan of tin hasta mayor cu ta laga malo pasa, nan no ta
corigie of hasta ta apoya nan yiu.

E resultadonan ta papia pa nan mes, segun Dowers, actualmente tin 37 mucha homber den nan
añanan productivo di nan bida cera den KIA, tanten cu nan mester ta bayendo scol y/of trahando
pa bira miembronan di comunidad productivo pa nan mes y hasta kisas pa e mesun mayor cu a
permiti nan sigui cu conducta cu no ta bon sin corigi nan.

Ademas di comete crimen, haci daño, e hobennan aki ta costa comunidad hopi placa tambe,
enbez di ta contribuyendo na desaroyo di nan pais.

Minister Dowers a pidi cooperacion di mayornan pa yuda evita cu nan yiunan ta bay den un
caminda cu no ta bon pa nan y pa no apoya nan ora cu nan haci malo, pasobra asina e hoben no
ta yega na e futuro cu e y su famia ta merece.

Concluyendo e Dowers a bisa cu pronto tambe e lo tin un reunion atrobe cu gremionan pa duna
nan un update di e situacion actual, y pa comparti informacion riba trendnan cu polis ta notando
y tipnan con pa haci nan mes mas fuerte y yuda nan reduccion di e risico pa nan bira victima di
cualkier crimen.

http://www.diario.aw/2015/10/high-season-pa-trafico-pisa-y-intentonan-di-crimen-ta-den-porta/