Page 15 - Tantri Basa Jawa Kelas 6 (Bab 5)

GLADHEN

WULANGAN 5

A. Pilihen wangsulan sing paling bener!
Kanggo mangsuli soal nomer 1 – 5 wacanen teks
pidhato ing ngisor kanthi premati!

Assalaamu „alaikum warahmatullahi wabarakatuh.
Bapak-Ibu pengasuh ingkang kula hurmati, Bapak-Ibu guru

ingkang dhahat kinurmatan, saha para kanca panti asuhan ingkang
dipun mulyakaken Gusti Ingkang Murbeng Dumadi. Mangga
sasarengan muji syukur ing ngarsaning Allah ingkang sampun
paring rahmad lan kasarasan. Shalawat sarta salam mugi tansah
linuberaken dhumateng Rosulullah Muhammad SAW.
Bapak Ibu ingkang dhahat kinurmatan, kita sedaya kempal
sesarengan wonten ing panti asuhan punika boten sanes supados
kita nggadhahi masa depan ingkang sae. Pramila kita kedah kanthi
tumemen ngangsu kaweruh ilmu pengetahuan lan ketrampilan
saengga ing mangke saget gesang mandhireng pribadi.
Bapak Ibu sarta para kanca ingkang kula hurmati, kula
gadhah idhe, kangge nglatih wira usaha tumrap warga panti mriki
inggih punika mbikak usaha damel piscok (pisang coklat).
Dhasaripun, ing tlatah mriki kathah ngasilaken pisang, reginipun

mirah, prosesipun gampil. Kanthi makaten sasampunipun dados
piscok saget dipun sade wonten alun-alun, utawi kita titipake
wonten wande. Etangan kula manawi setunggal piscok kasade Rp.
800,- saget pikantuk kauntungan Rp. 300,- Manawi sedinten saget
nyade 300 iji, sampun kathah kauntungan ingkang saget kita
kempalaken.
Bapak Ibu ingkang dhahat kinurmatan, lintunipun pikantuk
kauntungan, usaha punika saget kangge latihan wira usaha. Mugi
ing tembe kita saget gesang mandhiri, boten namung gumantung
dhumateng peparingipun tiyang sanes. Sukur manawi saget mbikak

lapangan kerja enggal kangge nggayuh masyarakat ingkang
tumata ekonominipun.
kaca 93 Tantri Basa kelas 6