Page 18 - Tantri Basa Jawa Kelas 6 (Bab 5)
P. 18
UJI KOMPETENSI
SEMESTER 2
Wacanen sing tliti!
Budaya Jawa ing Jaman Globalisasi
Budi lan dayaning manungsa bisa ngasilake budaya. Salah
sijine, yaiku budaya Jawa. Wujud budaya Jawa ing antarane: basa
Jawa, aksara Jawa, wayang, gamelan, tari-tarian, keris, batik,
ketoprak, lan sapanunggalane.
Trus, apa globalisasi iku? Tembung globalisasi asale saka
tembung globe utawa global. Tegese mendunia utawa universal.
Anane globalisasi nuwuhake dhampak maneka warna, semono uga
ing babagan budaya.
Globalisasi bisa nuwuhake dhampak sing apik tumrap
kabudayan Jawa, umpamane:
1. Budaya Jawa saya kawentar saindenging donya,
2. Ningkatake dhevisa saka anane wisata budaya,
3. Ningkatake kreatifitas,
4. Ndadekake budaya Jawa saya ngrembaka.
Kabeh mau bakal klakon, menawa budaya Jawa tansah diuri-
uri lan dirembakakake. Aja nganti kepara kelangan jati dhiri,
kapencut gebyare budaya manca, kaya kang kasebut ing tembang
Gambuh ngisor iki:
Ampun ngantos kebanjur,
Tiyang Jawi ilang Jawinipun,
Margi kerut ing jaman globalisasi,
Tebih saking sopan santun,
Budi pekertine awon.
A. Wangsulana sing patitis!
1. Apa irah-irahane wacan ing dhuwur?
....................................................................................
2. Apa asale tembung globalisasi iku?
....................................................................................
Tantri Basa kelas 6 kaca 96
