Page 24 - Bahan Ajar Digital Cerita Rakyat

Sawise Citrasoma tekan ing Kraton Pengging, dheweke banjur ngendika marang sang Rama,

yen kabeh sing dirungu iku bener, ana ing pereng wetan Gunung Merbabu iku ana wiku kang

sakti, wicaksana, luhur budine. Pangeran Citrasoma uga matur marang ramane yen wiku mau

nduwe anak prawan ayu kang ditresnani lan dheweke kepengen omah-omah karo anake sang wiku

mau.

Prabu Kusuma Wicitra uga sarujuk lan menehi restu marang lelorone. Prabu Kusuma

Wicitra banjur paring dhawuh marang Citrasoma

supaya tapa ana ing lereng Gunung Merbabu

patang puluh dina patang puluh wengi uga nyuwun

tulung dhateng raja jin ing ing kono kang

asmanipun Prabu Karawu. sawise oleh piweling

saka sang rama Pangeran Citrasoma banjur

budhal netepi pangandikanipun Wiku. Patang

puluh dina patang puluh bengi kliwat karo macem-

macem godaan lan pungkasane raja jin, yaiku

Prabu Karawu, teka lan nyarujuki panyuwune

Pangeran kanggo nggawe mata air sing dijaluk dening Wiku.

Sawise Pirang-pirang dina banjur katon tuk ing sacedhake padepokan Pangeran Citrasoma,

rasa seneng banget weruh bab iku dheweke banjur mudhun menyang padepokan ngaturake kabar

marang Syeh Maulana Malik Ibrahim Maghribi. Sawise krungu crita mau, Syekh Maulana Malik

Ibrahim Maghribi lan Sang Wiku enggal-enggal rawuh ana ing sendhang-sendang lan padha

padha sungkem atur panuwun marang Sang Hyang Tunggal. Kedadean sing aneh sawise dideleng

banyu sing metu saka sumber tuk iku ora lurus nanging mlengkung kaya keris pendok, pungkasane

Syekh Maulana Malik Ibrahim Maghribi ngendika yen sumber kasebut diarani Tuk Sipendok.

Banjur Citrasoma mboyong Nawangsih menyang kerajaan Pengging.

23 | S M P K E L A S V I I