Page 19 - Bahan Ajar Digital Cerita Rakyat

Joko Bandung langsung munggah lan lungguh tapa ing watu. Ora let suwe, angin banter teka

saka kabeh arah, pang-pang wit-witan padha obah, godhong-godhongan tiba. Banyu kali

gemrujug, kaya dumadakan ana banjir. Kabeh mau malih dadi raja jin kang nguwasani hawa,

banyu, kayu, watu, bumi, lan geni.

Dheweke ndhawuhi saben raja jin apa sing

kudu ditindakake. Saben jin wis siyap-siyap

nyambut gawe nganti jago kluruk.Sawise menehi

dhawuh, kaya-kaya ana ewonan manungsa gedhe ing

papan kono.

Tengah wengi ing omahe Ki Wiro, Kunti katon

ora tenang. Mripate ora gelem nutup babar pisan.

Bengi iki ora ngantuk. Ki Wiro sing tansah

nggatekake polahe Kunti, bisa ngerti apa kang ana

ing sajroning atine. Kadhang-kadhang Ki Wiro mesem dhewe karo polahe putrine.

Ora let suwi krungu jago kluruk, langit sisih wetan abang srengenge esuk sing arep

madhangi bumi. Ki Wiro lan Kunti wis ora sabar ngenteni dina. Esuk-esuk padha arep enggal-

enggal metu saka omah. Nalika mbukak lawang, Joko Bandung wis ngadeg ing plataran. Praupane

sumringah, lan mesem. Kunti lan Ki Wiro lega weruh kahanan iku amarga mesthi wae Joko

Bandung kasil anggone gawe sumber kang cacahe 7, jumbuh karo syarat saka Kunti

Dumadakan para warga katon grudukan mlayu-mlayu ana ing dalan. Saka praupane katon

kaget, gumun lan seneng. Dalan sacedhake omahe Ki Wiro sing biasane sepi, saiki wis rame karo

wong-wong sing padha bola-bali menyang kali. Ki Wiro lan Joko Bandung seneng ndeleng kahanan

iku. Joko Bandung mesem bangga lan lega, banjur omah-omah lan manggon ing kraton. Dene

sendhang pitu mau dijenengi Sendang Cabean Kunti.

18 | S M P K E L A S V I I