Page 15 - Bahan Ajar Digital Cerita Rakyat

A. Nyemak Crita Rakyat

Semaken crita ing ngisor iki kanthi premati!

Dumadine Cabean Kunti

Sawijing jaman ana kraton kang mapan ing sisih wetan Gunung Merapi arane Pengging.

Pengging iku daerahe subur lan masyarakate urip kanthi tentrem. Banyu bening lan deres kang

mili nggawe tetanèn lan ingon-ingon kewan ing dhaerah kono dadi maju banget. Hawa gunung

kang isih resik anggawe katon kamakmuran

ing daerah kono.

Semono uga karo salah sawijining tlatah

ing lereng Gunung Merapi, yaiku ing Cepogo.

Cepogo sing mapan ing lereng gunung Merapi

iki hawane adhem, ayem, alas wit-witan sing

rikat, ndadekake papan iki narik kawigaten

kanggo ditekani, utamane kanggo mburu.

Kaendahane papan iku bisa narik kawigatene

salah sawijining pawongan kang jenenge Joko Bandung.

Joko Bandung seneng banget mburu kewan. Anggone mburu kewan wasis banget, lan mesti

oleh akeh. Asil saka mburu, asring diparingake marang masyarakat sing manggon ing sakiwa

tengene alas. Nanging, saka kabeh katrampilan mburu, Joko Bandung paling seneng mburu

manuk.

14 | S M P K E L A S V I I