Page 16 - Bahan Ajar Digital Cerita Rakyat

Ing sawijining dina, nalika Joko Bandung mburu, dheweke weruh manuk sing endah banget

mabur ing sadhuwur sirahe. Manuk sing wulune werna-werna iku banjur mabur mudhun, mula

Joko Bandung bisa ngrasakake endahing wulune manuk kasebut kanthi cetha.

Dheweke mung ngetutake menyang ngendi wae manuk iku mabur. Ora sadhar, Joko

Bandung wis metu desa kanggo nututi manuk nganti tekan Desa Cabean. Manuk sing diburu Joko

Bandung mau lagi mencok ing pang paling dhuwur saka wit randu alas.

Ora adoh saka wit iku ana omahe Ki Wiro,

wong tuwa ing desa kono. Dheweke ngerti,

amarga wis bola-bali liwat omah iku, nanging ora

tau mandheg lan ketemu karo Ki Wiro. Wektu iki

Joko Bandung kepengin mampir ing omahe Ki

Wiro, amarga saka omahe Ki Wiro Joko Bandung

bisa gampang nonton manuke.

Joko Bandung banjur mampir ing omahe Ki

Wiro, dheweke ditampa dening Ki Wiro lan

garwane. Ki Wiro nyawang Joko Bandung saka

sirah nganti sikil. Joko Bandung banjur

ngandharake kenangapa dheweke mampir ing omahe Ki Wiro yaiku kepingin nginep, dheweke

kapingin mburu manuk kang endah banget wernane, lan manuk iku mau mencok ana ing nduwur

wit kapuk kang ana ing ngarep omahe Ki Wiro.

15 | S M P K E L A S V I I