Page 18 - Bahan Ajar Digital Cerita Rakyat

Joko Bandung kepengin enggal-enggal ngandharake apa kang dirasakake marang Ki Wiro.

Ananging luwih dhisik dheweke matur yen sejatine dheweke iku putrane Prabu Pengging kang

lagi nindakake tapa ngrame. Dheweke kepingin nggarwa Kunti. Kunti kaget banget. Dheweke

kaya disamber bledheg nalika krungu maksude Joko Bandung.

Kabeh wis mangerteni yen Joko Bandung iku joko sing gagah lan nggantheng, uga duweni

kharisma lan kawibawan. Iku uga bisa dirasakake dening Kunti. Dene dheweke mung bocah desa,

lan urip ing mangsa ngarep sing ora bisa

dibayangake sanajan ing uripe. Kunti sansaya

bingung. Dheweke mung bisa nangis ing

kamare. Swasana sing sepi ndadèkaké suwara

tangisé keprungu ing kupingé Joko Bandung

lan Ki Wiro. Joko Bandung sansaya bingung lan

wedi marang Ki Wiro, nanging Ki Wiro katon

ayem.

Sawijining dina Kunti matur menyang Ki

Wiro menawa dheweke gelem dijodohake karo

Bandung kanthi syarat Bandung kudu gawe

sumur cacahe pitu kang ora bisa asat sawayah-wayah ing desa iku, supaya masyarakat bisa luwih

gampang anggone ngombe, masak, lan liya-liyane.

Mangerteni syarat kang dijaluk Kunti, Joko Bandung dadi bingung. Panjaluke Kunti pancen

angel diwujudake, nanging amarga rasa tresnane. Sumber pitu kudu rampung bengi iku.

Pungkasane dheweke nekad nggawe 7 sumber bengi iku. Ora preduli ing wayah wengi, kanthi

nganggo tangane dhewe dheweke ndhudhuk lemah. Kringet mili dleweran ing awak, nanging ing

kono ora nemokake sumber banyu.

17 | S M P K E L A S V I I