Page 315 - Landbou Binding Polisbewoording

Persoonlike ongevalle
Vergoeding betaal hieronder is ʼn persentasie van die vergoeding in direkte proporsie tot die area geaffekteer. Die voordele betaalbaar ten opsigte van 1 en 2 hierbo sal onafhanklik toegepas en toenemend wees, maar die algehele aanspreeklikheid van die Maatskappy vir permanente verminking, as gevolg van ʼn Ongeluk of ʼn reeks Ongelukke wat voorspruit uit een oorsaak vir enige een Versekerde Persoon, sal beperk word tot 50% (vyftig persent) van die bedrag betaalbaar vir Permanente Algehele Ongeskiktheid ingevolge 2 hierbo.
Vergoeding sal nie kragtens hierdie uitbreiding betaalbaar wees bykomend tot vergoeding betaalbaar vir dieselfde Liggaamlike Besering kragtens die Tabel vir Permanente Ongeskiktheid nie en, sal beperk word tot 100% (een honderd persent) van die vergoeding verleen vir Permanente Algehele Ongeskiktheid.
Verminking wat korrektiewe mediese prosedures benodig
In die geval van ʼn eis waar die Versekerde Persoon permanent vermink is as gevolg van ʼn Toevallige Liggaamlike Besering, in so ʼn mate dat dit ʼn noemenswaardige sielkundige uitwerking op die Versekerde Persoon sal hê, en ʼn gekwalifiseerde sielkundige dit vereis deur ʼn aanbeveling te maak dat, die Versekerde korrektiewe mediese prosedures soos plastiese chirurgie moet ondergaan om, sodoende die Versekerde Persoon se selfvertroue, welstand en/of lewenskwaliteit te verbeter, sal die Maatskappy die volgende voordeel betaal:
1. die kop, nek en hande – ʼn bykomende 25% (vyf en twintig persent) van die Permanente Ongeskiktheidsvoordeel vir redelike en nodige onkostes vir mediese prosedures aangegaan tot ʼn maksimum bedrag van R300 000 (drie honderd duisend rand) per Versekerde Persoon;
2. alle ander areas van die liggaam – ʼn bykomende 10% (tien persent) van die Permanente Ongeskiktheidsvoordeel vir redelike en nodige onkostes vir mediese prosedures aangegaan tot ʼn maksimum bedrag van R100 000 (een honderd duisend rand) per Versekerde Persoon.
In die afwesigheid van ʼn sielkundige evaluering, mag die Maatskappy, na eie goeddunke en na voorlegging van mediese verslae en/of foto’s wat die omvang van die verminking aandui, besluit om die voordeel te betaal.
Vergoeding kragtens hierdie uitbreiding sal betaalbaar wees bykomend tot vergoeding betaal vir dieselfde Liggaamlike Besering kragtens die Tabel van Permanente Ongeskiktheid of die Verminkingsuitbreiding, maar sal enige prosedure van ʼn suiwer kosmetiese aard uitsluit.
Werkendetyd
Dekking is van toepassing 24 (vier en twintig) uur per dag, sewe (7) dae per week, tensy andersins beperk deur ʼn endossement en/of memorandum tot hierdie Afdeling.
SPESIFIEKE UITSONDERINGS (van toepassing op die hele Afdeling insluitende Uitbreidings)
Die Maatskappy sal nie aanspreeklik wees nie, om vergoeding te betaal vir Liggaamlike Besering ten opsigte van enige Versekerde Persoon:
1. veroorsaak deur sodanige persoon se selfmoord, poging tot selfmoord of opsetlike selfbesering of doelbewuste blootstelling aan ooglopende risiko of besering (tensy dit in ʼn poging is om ʼn mens se lewe te red);
2. wie se dood of ongeskiktheid regstreeks of onregstreeks veroorsaak word, spruit uit, of die gevolg is van, of teruggespoor kan word na enige fisiese gebrek of swakheid wat bestaan het voor die ongeluk;
MET DIEN VERSTANDE DAT:
indien die ongeskiktheid van die Versekerde Persoon slegs vererger is deur sodanige vooraf bestaande toestand, die Maatskappy na goeddunke, ʼn bedrag mag betaal wat hulle beskou betaalbaar sou wees indien so ʼn toestand nie bestaan het nie;
3. onder die ouderdom van 15 (vyftien) of bo 75 (vyf en sewentig) jaar;
4. terwyl die Versekerde Persoon:
4.1 per lug reis maar nie ʼn passasier is nie (ʼn “passasier” sluit nie ʼn lid van die bemanning, of enige persoon wat vir die doeleindes van enige vakkundige of tegniese werksaamheid ten opsigte van die lugvaartuig vervoer word, in nie);
4.2 hangsweef of in ʼn mikrovliegtuig vlieg;
Landbou Bewoording – Binding – Weergawe 1 2022 Bladsy | 313