Page 59 - Modul Ajar Spenfoursada

Tiosan punika, manut Rusna, yēning wēnten engkagan-engkagan tanah ringabing bukit, lan wenten
toya membah ring engkagan punika, patut kawaspadain. Yēning wēnten ujan bales, prasida ngawinang
longsor, iraga patut tragia, nēnten wantah longsor, blabar taler sering ngawinang kerugian sanēmageng
ngantos ngawinang kramanē padem. Majeng wewidangan Bali utara, Suyarto makēlingin mabuat pisan
mangda kramanē yatna tur waspada santukan nganutin indik geografisdatarannyanē cupit. Wates
pantaraning gunung lan pasisi cendek, sawatara 1-6 km. blabar ring wewidangan punika biasanē suluk.
Daērah sanē maduē potensi sering keni blabar, makatah tigang kecamatan. Makatiga kecamatan punika
manut Suyarto, minakadi Denpasar Selatan (Denpasar) jimbarnyanē ngantos 4.092,03 ha, Kecamatan
Negara (Jembrana) jimbarnyanē 3.280,14 ha, lan Kecamatan Kuta (Badung) sanē keni blabar ngantos
majimbar 1.507,86 ha. Indik angin nglinus, Laporan Akhir Study Identifikasi Potēnsi Bencana Alam ring
provinsi Bali sanē kakaryanin olih tim saking PPLH Bali nlatarang daērah sanē sering maduē potensi keni
ring Bali ngantosjimbarnyanē 151.835,49 ha. Petang kecamatan sanē akeh keni angin nglinus inggih
punika Kecamatan Nusa Penida (Klungkung) jimbarnyanē 20.661,1 ha, Kecamatan Selamadeg (Tabanan)
kantos 11.678,31 ha, Kecamatan Mendoyo (Jembrana) jimbarnyanē 11.208,78 ha lan Kecamatan Kuta
Selatan (Badung) ngantos 9.830,97 ha. Nyantenag kawentenan sakadi punika, Sandi Adnyana ngaptiang
mangda pemerintah lan kramanē sinarengan taat ring indik tata ruang manut sane sampun kacumpuang.
Yēning nēnten wēnten sikap tegas, bencana-bencana blabar lan longsor pastika setata ngemetuang korban
ring Bali.

Sumber: https://dewataku.wordpress.com/orti-bali/

Orti Bali 2:

COVID-19 Tannyurudang Pamargi Bulan Bahasa Bali 2021
Wana Kertih – Sabdaning Taru Mahottama dados unteng ring parikrama Bulan Bahasa Bali Tahun 2021,
sane madue teges taru pinaka prananing kahuripan sumangdane prasida kajaga lan kalestariang. Iraga I
Manusa mangda madue rasa olas asih ring sarwa prani mangda prasida luputing olih sakancan bhaya.
Unteng Punika ngakah ring pamargi Bulan Bahasa Bali Desa Banajarasem.

Pamargi Bulan Bahasa Bali ring Desa Banjarasem Kariinin olih Pamargi Bulan Bahasa Bali ring Desa
Adat Yehanakan sane kalaksanayang dina Wraspati, 25 Februari 2021 magenah ring SD Negeri 2
Banjarasem ngawit galah 9 semeng. Pinaka panyembrama kasolahang tari Sekar Jagat, raris kabungkah
olih Bandesa Alitan Majelis Desa Adat Kecamatan Seririt antuk nepak gong, parikrama punika mamargi
antar nganutin protokol kesehatan Covid 19. Nyurat Aksara Bali pinaka wimbakara sane kalaksanayang
ring Desa Adat Yehanakan, wimbakara puniki kasarengin olih 10 diri alit-alit pinaka duta soang-soang
banjar adat.

Raris kalanturang antuk Desa Adat Banjarasem sane taler nglaksanayang Bulan Bahasa Bali ring dina
Wraspati, 25 Februari 2021 magenah ring Wantilan Banjar Dinas Dajan Rurung ngawit galah 1 Tengai.
Parikrama puniki taler kabbungkah olih Bandesa Alitan Majelis Desa Adat Kecamatan Seririt. Wimbakara
Nyurat Aksara Bali pinaka wimbakara sane kalaksanayang ring Bulan Bahasa Bali Desa Adat
Banajarasem.