Page 60 - Modul Ajar Spenfoursada
P. 60
Wimbakara kamiletin olih 10 diri alit-alit, sane kaambil saking soang-soang banjar adat. Yadiastun
kabanda antuk ujan angin, nenten ngicalang rasa teleb lan pageh alit-alit pamilet wimbakara nyurat aksara
Bali Desa Adat Banajarasem surud.
Sane kaping untat kamargiang Bulan Bahasa Bali ring dina Redite, 28 Februari 2021 ring Desa Adat
Kalanganyar pinaka pamuput Bulan Bahasa Bali 2021. Paraikrama punika kalaksanayang ngawit galah 1
tengai, magenah ring Wantilan Pura Desa Adat Kalanganyar. Pinaka panyembrama kasolahang tari Sekar
Jagat, raris katepak gong olih Bandesa Alitan Majelis Desa Adat Kecamatan Seririt pinaka cihna Bulan
Bahasa Bali Desa Adat Kalanganyar kabungkah. Wenten makudang-kudang wimbakara sane
kalaksanayang minakadi : Nyurat Aksara Bali, Makidung, Masatua Bali, lan Ngwacen Aksara Bali.
Wimbakara punika kamiletin olih alit-alit pasraman ring Desa punika. Yadiastuun kari
masan Pandemi pamilet soang-soang lomba nenten surud, alit-alit ring Desa Adat Puniki sayan teleb
nincapang lan nglestariang Basa, Aksara, lan Sastra Bali.
“Dumogi tahun salanturnyane, Desa Adat miwah Desa Dinas mangda adung ri kala nglaksanayang Bulan
Bahasa Bali Puniki. Mangda Basa, Sastra, lan Aksara Bali sayan nincap sakadi visi misi Pemerintah
Provinsi Bali inggih punika Nangun Sat Kerthi Loka Bali.” Punika pangapti Dane Camat Seririt Nyoman
Agus Tri Kartika Yuda,S.IP, M.Si ri kala ngicen sambrama wacana ring parikarama Bulan Bahasa Bali.
B. LEMBAR KERJA PESERTA DIDIK 2 KELOMPOK B
Indayang alit-alit ngwacen Orti Bali ring sor silih sinunggil nganutin uger-uger sane patut!
Demam Berdarah
Dibi sanja ring siaran TV-né/ wénten kapiragi orti indik ipun pinungkan “demam berdarah” /sané
sampun makéh mancut urip para janané//. Pinungkané puniki/ sampun nglimbak ring sawengkon Bali//.
Kirang langkung sampun 500 diri wargané sané keni sungkan puniki//. Minakadi/ ring Denpasar 125
diri, ring Badung 75 diri, ring Buleleng 75 diri, ring Gianyar 125 diri, ring Karangasem 25 diri, ring
Negara 25 diri, miwah ring Klungkung 25 diri//. Santukan makéh/ warga sané keni demam berdarah/
mawinan sal-salé ring rumah sakit nénten mresidayang nampung//.
