Page 62 - Modul Ajar Spenfoursada

BAHAN BACAAN

Orti inggih punika saluirin gatra ( berita ) sane kapireng, kawacen madue tatuek mangda sang mirengang

wikan ring dagingnyane. Ring panglimbak jagaté mangkin, yening ngrereh gatra nénten malih méweh
sakadi dumun. Mangkin informasi sané marupa gatra sampun akéh kawéntenannyané. Sakadi ring média

cetak utawi ring média éléktronik. Yening ring média cétak gatra punika prasida kapolihang ring koran.

Yening meled ngamolihang gatra sané mabasa Bali alit-alit prasida polih ring koran Bali Post miwah
Koran Pos Bali sané terbit nyabran rahina Redité. Kénten taler yening meled ngamolihang gatra ring

média éléktronik alit-alit prasida ngamolihang gatra ring Radio, Televisi miwah ring internét. Makasami
piranti punika nénten méweh karereh ring aab jagaté mangkin.

Bantang/struktur wicara sajeroning gatra
Mungguing bantang wicara sané prasida kadadosang gatra luiré;

* Anyar (baru), nartayang wicara anyar,

* Mabuat ( penting), wicara sané kadartayang mabuat majeng sang sané mireng utawi ngwacén,
* Mageng tur nglimbak ( besar), wicara sané kadartayang mapikenoh ring kauripan jatma makéh,

* Nampek (dekat), nartayang wicara sané nampek saking kauripan parajanané,
* Ketah ( tenar), wicara sané kadartayang sajeroning gatra sampun ketah kauningin olih krama sareng

makéh.

Pisarat/syarat wicara sajeroning gatra;

* Pastika (fakta), wicara sané kadartayang sampun pastika (fakta) kawéntenanné
* Ngilis (nyata), kawéntenan wicarané ngilis, boya ja ngawi – ngawi

* Seken, pasaja (obyektif), wicara sané kadartayang seken utawi pasaja (obyektif), nénten nguang lebihin
wicara. Sang sané makarya gatra madasar antuk pakayunan jujur, nénten ja bogbog,

* Tan mapilonan ( berimbang), kawéntenan sané ngrereh gatra (wartawan) sajeroning ngrereh gatra nénten
mapilonan ring sira – sira (berimbang)

* Tepet (akurat), wicara sané kadartayang manut galah, patut, nénten wénten kaiwangan tur prasida

katanggung jawabin olih sang sané ngardi
* Tegep (lengkap), wicara sané kadartayang tegep kawéntenannyané