Page 58 - Missa Hkungga Nawng ya ai lam

22
SI AI NI A MATU

Jau : Madu nanhte hte rau nga nga u ga.
Shawa : Nang Wa hte mung nga nga u ga law.

Jau : Madu hta myit jung nga mu.
Shawa : Madu hta myit jung nga ga ai.
Jau : Anhte a Madu Karai Wa hpe chyeju dum ga law

Shawa : Dai gaw dingman ai hte htap htuk ai lam rai nga ai.

Mahkra dang chye nna dinggrin a nga nga ai.
Madu Magam, Chyoi Pra ai Wa Karai Kasang e,

anhte a Madu Hkristu a marang e,
nhtoi magup shara magup e,
Nang hpe anhte chyeju dum na gaw,
ding man ai hte htap htuk nga nna,

akyu rawng ai lam rai nga ai law.

Anhte ngwi pyaw ai hku bai hkrung rawt wa na lam hpe,
dai Hkristu hta kaja wa myit mada lu sa ga ai.
Dai rai nna, teng teng si na ra ai lam a jaw e,

myit ru myit tsang nga ai ni gaw,
htani htana a hkrung nga na ngu ai ga ndat a majaw e.
shalan shabran ya ai hkrum lu ma ai.

Madu e, si ai gaw,
Nang hpe kam sham ai ni a asak hpe la kau ya ai n rai;
galai ya ai mahtang she rai nga ai
Shing rai, dinghta ga hta nga pra ai lam htum ai shaloi,

sumsing lamu e lajang da ai
htum mat nchye ai asak naw nga nga ai.

Dai rai nna, lamu mungdan na lamu kasa nlang hte rau,
Na a hpung shingkang hpe shakawn kungdawn let,

n sim n sa tsun ga ai gaw :

San Pra, San Pra, San Pra, nga yawng a Madu Karai wa,
Lamu hte aga Na shingkang shingwang hte hpring nga,
Lamu hta kabu sharawng

Madu a mying ningsang hte du sa ai wa a nga ai,
Lamu hta kabu sharawng