Page 7 - Missa Hkungga Nawng ya ai lam

Chyeju Dum Shakawn Ai Ga

ADWENTU ATEN LADAW

( December 16 ya shani du hkra )

Jau : Madu nanhte hte rau nga nga u ga.
Shawa : Nang Wa hte mung nga nga u ga law.

Jau : Madu hta myit jung nga mu.
Shawa : Madu hta myit jung nga ga ai.
Jau : Anhte a Madu Karai Wa hpe chyeju dum ga law

Shawa : Dai gaw dingman ai hte htap htuk ai lam rai nga ai.

Mahkra dang chye nna dinggrin a nga nga ai.
Madu Magam, Chyoi Pra ai Wa Karai Kasang e,

anhte a Madu Hkristu a marang e,
nhtoi magup shara magup e,

Nang hpe anhte chyeju dum na gaw,
ding man ai hte htap htuk nga nna,
akyu rawng ai lam rai nga ai law.

Dai Hkristu gaw, shagrit shanem ai hte
Shinggyim masha a hkum shan dagraw la nna,
anhte kaw nnan du sa ai shaloi,

moi chyaloi nhkoi kaw nna
Nang yaw shada tawn ai lam hpe shadik ya let
anhte a matu hkye la ai lam hpaw ya sai

Ya, shi hpung shingkang hte bai du sa ai shaloi mung,
Nang ndat da ai kumhpa hpe
anhte lu la na myit mada a la nga ga ai.

Dai rai nna, lamu mungdan na lamu kasa nlang hte rau,
Na a hpung shingkang hpe shakawn kungdawn let,

n sim n sa tsun ga ai gaw :

San Pra, San Pra, San Pra, nga yawng a Madu Karai wa,
Lamu hte aga Na shingkang shingwang hte hpring nga,
Lamu hta kabu sharawng

Madu a mying ningsang hte du sa ai wa a nga ai,
Lamu hta kabu sharawng