Page 32 - Ивермектинд адууны нематодын даслыг судалсан дүн
P. 32
“Ивермектинд адууны нематодын даслыг судалсан дүн”
Зураг 12. Strongylidae spp өндөг Зураг 13. Parascaris equorum өндөг
Судалгаанд сонгогдсон 6 байршилд нийт 63 хурдан адууны баасны
дээжинд БӨТЦА-р шинжилгээ хийсэн үр дүнг 4-9-р хүснэгтээр харуулсан ба
туршилт эхлэхийн өмнө буюу ивермектинээр эмчлэхээс өмнө адууны баасанд
нематодын өндөг 150-4225 ш/г тоологдож байв. Харин ивермектинийг адууны
амьдын жинд үндэслэн үйлдвэрлэгчийн зааврын дагуу олгосны дараа эм
олгосон 51 адууны баасанд нь илэрч байсан нематодын өндөгний тоо эмийн
үйлчлэлээр 0-100 г/ш болж цөөрсөн үр дүн үзүүлэв.
4.1.1. Ивермектинд нематодын даслыг говийн бүсийн хурдан адууны
баасанд агуулагдах өндөгний тоон цөөрлөөр тодорхойлсон дүн
Монгол орны байгаль газарзүйн говийн бүсэд хамаарах туршилтын
сууриас 1 г баасанд 637 ширхэгээс 2387 ширхэг хүртэл нематодын өндөгтэй
нийт 10 адууг туршилтандаа сонгон ашигласан үр дүнг 4-р хүснэгтээр харуулж
байна. Туршилтын адууны баасанд илэрсэн өндөгний 94.5% нь стронгилид
(Strongylus spp); 5.5% нь параскарид (Parascaris equorum)-ийн өндөг байлаа.
Ивермектин бэлдмэл олгосон туршилтын 8 адууны 7-нх нь баасанд БӨТЦ
100%, зөвхөн 1 адуунд БӨТЦ 97.6%-иар тодорхойлогдов. Харин хяналтын
бүлгийн 2 адууны баасанд уг үзүүлэлт 14.2% ба 38.7%-иар тооцогдсон байна.
29
