Page 27 - Хурдан морины хөлний гэмтэлийг Рентген, ЭХО аппаратаар оношлосон дүн

Хурдан морины хөлний гэмтэлийг Рентген, ЭХО аппаратаар оношлосон дүн

-

Зураг 4. Өнчин яс дээгүүр сөлтөрч хугарсан байдал

Дээрхи 2 рентген зурагнуудаас харахад сагагны өнчин ясны хугарсан хэлбэр,
байдлыг тодорхой харуулж байна. Эдгээр зургийг эрүүл хөлийн зурагтай

харьцуулан харлаа. Яс болон хатуу эдийн зурагны нягтрал, нимгэн, зузааныг

зааглан харуулж байна.
Өнчин ясны гэмтлийг 6 хэсэгт хувааж үздэг бөгөөд доорхи зураг нь дээр

өнчин ясны дээд хэсгээр сөлтөрч хугарсан байна /Зураг 4/.

Шинжилгээний явцад хөлний зарим эмгэг ялангуяа хурдан морины эвэр
туурайн эмгэг, бэрэвхий, сагагны болон өнчин ясны хугарал цуурал, шилбэний

ясны цуурал, сэлтрэл зэрэг нь эзэн хүнд мэдэгдэхгүй явснаас малчид, уяачид эмчид

үзүүлэлгүй явах, буруу эмчлүүлэх зэрэг нь практик дээр харагдаж байна.
Жишээлбэл: Дээрхи хугарлуудыг эзэн нь мэдэлгүй 2-уулаа буруу эмчлүүлж

байгаад эдгэрэлгүй удсанаас хүндрүүлж хөлгүй болгосон юм. Ялангуяа туурайн
ханын салбангийн үрэвсэл /ламинит/-ийг эрт эмчлэхгүй байх нь хүндрэл үүсгэхэд

хүргэдэг.

Ламинитын гол шалтгаан нь янз бүрийн хордлоготой холбоотой гэж үздэг.
Энэ нь тэжээллэгтэй ялангуяа хүчит тэжээлээр тэжээж, бүдүүн тэжээл бага өгөх,

нэмэлт тэжээл өгөөгүй үед гэнэт их хэмжээний уурагт тэжээлд оруулах зэрэг нь

тэжээлийн хордлогонд оруулдаг. Үүнээс гадна уралдаад ирсэн хурдан морийг хол
газар тээвэрлэж туурайнд ачаалал өгснөөс үүсэж байна.

Хуудас 27