Page 48 - MODUL 1

Saliyane iku pejuwang biyen iku ora mikir apa kang dipangan nanging
kepiye bisane Indonesia iku mardika.

2. Klepon
Klepon yaiku panganan sing misuwur ing tanah Jawa, kang digawé
saka glepung beras ketan lan diisi gula Jawa. Klepon biasané mung ana
rong werna yaiku ijo lan putih. Klepon iku wanguné bunder lan anggoné
mangan nganggo wur utawa klapa kang diparut. Klepon uga kalebu jajanan
pasar.
Ing Sumatra lan ing Malaysia, klepon disebut "ondhé-ondhé", déné
sebutan iki ing tanah Jawa lan pérangan liya ing Indonésia arupa panganan
sing béda yaiku panganan awangun bunder uga kagawé saka glepung
beras isi adonan kacang ijo lan kulité diwuwuri wijèn. Prabédan panyebutan
antara ing Jawa lan Sumatra-Malaysia iki kerep dadi panyebab salah
paham. Klepon biasa didol bebarengan karo gethuk lan cenil (uga disebut
cetil) minangka jajanan ing wayah ésuk utawa soré. Werna klepon biasané
putih utawa ijo gumantung seléra. Klepon kanthi werna ijo, perlu tambahan
bahan pewarna alami saka godhong suji utawa godhong pandhan.

3. Lunpia
Lunpia, jajanan kang isine oseng-oseng rebung enom, endok, lan
urang. Penganan iki yaiku jajanan kanga sale saka tradisi keturunan
Tiongkok, jare, penganan iki awale digawa mlebu ning kota semarang taun
1930 karo wong enom Tiongkok sing jenenge Jwan Dayu. Lunpia sing
paling terkenal ing semarang yaiku Lunpia Gang Lombok utawa Warung
Siem. Ana rong jenis lunpia sing biasa awake dhewe pesen ning kene
yaiku: lunpia teles (lunpia basah) lan lunpia garing (lunpia kering/ lunpia
sing wis digoreng). Lunpia disajikake karo saos sing diawuri cacahan
bawang putih, Lombok rawit, lan bawang enom.

48 BAHASA JAWA - SMA/MA - Kelas X Semester Genap