Page 46 - MODUL 1

Bahan-bahan kanggo gawe iwak tengiri yakuwi iwak tengiri sing wis
dialusake, tepung sagu, endog, gula pasir, uyah, soda kue, banyu, lan
bumbu-bumbu. Cara nggawene sepisan bumbu-bumbu kayata bawang,
uyah, gula, diudhak bareng endog. Sawise kecampur rata, dilebokake
tepung sethithik mbaka sethithik nganti mbentuk adonan. Adonan sing wis
dadi banjur digiling supaya bentuke dawa, terus diiris cilik-cilik kurang luwih
2 cm. Adonan sing wis diiris banjur digoreng nganti warnane pas. Krupuk
sing wis mateng, diangkat banjur ditirisake lan siap dilebokake wadah.

3. Kripik Sukun

Kripik sukun mujudake panganan khas tradhisional Cilacap amarga
sukun asring ditemokake ing dhaerah Cilacap. Kanggon manfangatake who
sukun, masarakat ngolah sukun dadi maneka warna jinis panganan, salah
sijine yakuwi kripik sukun. Cara nggawe kripik sukun gampang banget.
Sepisan, sukun diiris tipis banjur diekum ing banyu kapur suwene 5 jam.
Sawise diekum, sukun dikumbah nganti resik. Sabanjure sedhiyakake
bumbu kayata kunir lan uyah, uleg nganti alus. Bumbu alus kuwi banjur
dicampurake ing setengah liter banyu. Sawise bumbu wis siap, lebokake
irisan sukun. Banjur irisan sukun sing wis dikei bumbu digoreng ing minyak
panas. Wolak walik sukun supaya matenge mrata lan warnane rada kuning.
Yen wis mateng, kripik sukune diangkat lan ditirisake. Sawise tiris, kripik
sukun siap dibungkus.

4. Sale Pisang

Sale pisang yakuwi panganan asil olahan saka gedhang sing disisir
tipis banjur dipepe. Karepe dipepe kanggo ngurangi kadar banyu saka
gedhang saengga sale luwih tahan suwe. Sale pisang iki bisa langsung
dipangan utawa digoreng nganggo tepung terigu utawa gandum. Kajaba
iku, saiki sale pisang nduweni manekha warna rasa, kayata rasa keju lan
coklat.
Ana uga sale pisang kang digawe nganggo cara diasep. Cara
nggawene ana 3, yakuwi cara tradhisional nganggo asep kayu, cara ngasep
nganggo asep belerang, lan cara teles nganggo natrium bisulfit. Sedurunge
gedhang diasep, dionceki dhisik. Sawise dionceki, gedhang diasep.
Gedhange ditata nang rak-rak sajroning lemari pengasapan. Gedhang sing
rasane kurang legi, bisa ditambahi gula pasir. Sawise diaseo, gedhange
banjur dipepe. Gedhang sing wis dipepe, banajur dicithak nganggo cithakan
sale. Carane dienet/ditened ing papan cithakan supaya rada gepeng.
Sawise kuwi, gedhang bisa digoreng nganggo adonan tepung terigu utawa
gandum. Yen arep ditambah karo parutan keju utawane coklat, bisa
diwuwurake nalika sale isih nembe rampung digoreng. Saengga keju lan
coklate tumemplek nang sale.
Sale pisang mujudake salah sawijining panganan tradhisional khas
Cilacap, amarga ing dhaerah Cilacap akeh tanduran gedhang. Saengga,

46 BAHASA JAWA - SMA/MA - Kelas X Semester Genap