Page 173 - Nji jete ne mes kosoves

170
Në Madrid kishin udhëtuar: imam Vehbi Ismaili, imam Isa Hoxha, Dom Zef Oroshi dhe një prift i Kishës ortodokse nga Bostoni. Meqenëse Leka Zogu, ishte mbreti i të gjithë shqiptarëve, kurorëzimi i martesës u bë nga tre klerikët shqiptarë, në fenë myslimane, katolike dhe ortodokse, si është vetë përbërja fetare e shqiptarëve.
Pas përfundimit të ceremonisë së dasmës thotë Rexhep Ymeri “në një sallë tepër solemne shkuam grupe-grupe për t’i uruar martesën Leka Zogut. Përkrah tij rrinte edhe avokati Selim Dumani, që ndihmonte mbretin Lekë në pranimin e urimeve.
Rexhep Ymeri deklaron se me Metën ishin ndarë të kënaqur dhe këtë ditë e kishin radhitur ndër kujtimet e tyre më të mira.
NË KREMTIMIN E 125 VJETORIT TË LIDHJES SHQIPTARE TË PRIZRENIT DHE ME LEKA ZOGUN NËPËR KOSOVË
Shumë kohë më parë me mbretin Leka Zogu kanë qenë takuar (në New York) babë e djalë, Musli dhe Metë Bajraktar. Në një kohë tjetër, 30 vjet më vonë në Kosovë, me rastin e 125 vjetorit të Lidhjes Shqiptare të Prizrenit, Harry takon Leka Zogun.
Në vitin 1972, mbreti i shqiptarëve, Leka Zogu u pat thënë Musli e Metë Bajraktarit: “Gjithmonë ekziston shpresa për një Shqipëri të shqiptarëve”. Një thënie e tillë për kohën kishte vazhdimësinë e luftës për realizimin e platformës së Lidhjes Shqiptare të Prizrenit. Ky ideal edhe sot e kësaj ditë është i pashuar për popullin shqiptar, një ëndërr e vjetër që pret me shekuj të realizohet.
Harry ishte takuar me Leka Zogun edhe më parë, por takimi i tij me të në Kosovë kishte domethënie tjetër.
Ministria për Kulturë, Rini, Sport dhe çështje jorezidente të Qeverisë së Kosovës, në qershor të vitit 2003, ftoi një delegacion nga komuniteti