Page 26 - Nji jete ne mes kosoves

NGA KULLAT E VRANOCIT, SULMOHET USHTRIA TURKE
“Fshatarët e Lugut të Baranit nuk luftuan kundër pushtetit turk vetëm larg trojeve të tyre. Ekspeditat ushtarake ua imponuan këtyre luftën e përgjithshme edhe në fushat dhe fshatrat e tyre, me ç’rast ata e kundërshtonin me trimëri, nga kullat e tyre të fortifikuara, armikun e armatosur me topa dhe armë të tjera. Kështu ka hyrë edhe në histori lufta që u zhvillua në Lug të Baranit, më 11 korrik 1893, në krye me Haxhi Zekën3, kundërshtar i ushtrisë turke, të komanduar nga Mustafë Çerkez Pasha. Kah fundi i majit i vitit 1893, Haxhi Zeka kishte filluar të ftojë popullsinë e Pejës e të rretheve që të ngrihej në luftë kundër pushtetit turk. Ai donte të shfrytëzonte momentin e volitshëm kur edhe popullsia e Drenicës dhe e rretheve të Lipjanit luftonte kundër xhandarmërisë e ushtrisë turke, dhe kështu përpiqej që kryengritja të përhapej edhe në vise të tjera, dhe të çliroheshin nga sundimi turk. Një ushtri e madhe turke nga Peja, Mitrovica, Berana, Shkupi e Prizreni, në krye me komandantin Mustafë Çerkezi, u drejtua kundër Haxhi Zekës dhe kryengritësve të tij. Haxhi Zeka ishte tërhequr që me kohë në Lug të Leshanit, në kullën e fortë të tij tri- katërkatshe në fshatin Leshan, nja 15 kilometra në lindje të Pejës, fshat ky që ishte pronë e tij”. Në ndihmë i shkoi Bajram Curri me një ushtri vullnetarësh nga nahia e Gjakovës, të cilët u vendosën në Vranoc, përkatësisht në kullën e Ali Bajraktarit, Sylë Rexhës dhe nëpër shtëpitë tjera të fshatarëve. Nga frëngjitë e këtyre godinave sulmohet ushtria turke, e cila ishte përqëndruar në këtë pjesë të Dukagjinit.
Përleshjet filluan më 11 korrik dhe luftimet më të ashpra u zhvilluan në Lug të Baranit. Ushtria turke përbëhej më tepër nga kurdët e çerkezët. Si përgjegje forcave të Bajram Currit, fshati Vranoc sulmohet me të gjitha armët e ushtrisë turke me ç’rast bëhet hi e pluhur. U rrënuan edhe këto dy kulla me gjyle topash. Nga sulmet e pashait turk, ishin dëmtuar rëndë edhe disa fshatra të tjera. Lufta në mes kryengritësve shqiptarë dhe ushtrisë turke vazhdoi gjithë ditën, kështu që nga të dy palët pati
23