Page 66 - Kelas XII.indb

Palajahan 2 Orti Média Eléktronik

Pidabdab 1 Ngwangun Pangresep

Média éléktronik sakadi sampun ketah kauningin pinaka média sané kaanggén ngwantu
sajeroning micayang mikolihang informsi sané mabuat ring masyarakat. Pahan-pahan média
éléktronik inggih punika gatra sané kasobyahang saking tipi (televisi), radio, lan internet.
1. Sira sané naenin miragiang gatra ring radio miwah televisi?
2. Napi sané karasayang rikala miragiang gatrané punika?

Pidabdab 2 Miragiang Orti Bali Saking Tivi

Nandurin Karang Awak ring PKB ka-38. Pésta
Kesenian Baliné warsa 2016 mangkin ngambil téma indik
kautaman kriya sastra saking Pedanda Madé Sidemen.
Kawéntenan gaguritan Salampah Laku, sakadi sundaran
téja ri kala kapetengan. Lengkara sakadi guna dusun,
pangresek jagat, karang awak, sering kapirengang.
Yéning kayun malajah, asing sané kapanggih prasida
kaanggén srana maguru. Pamargin idupé sané mabekel
suka, duka, lara, lan pati taler prasida kaanggén guru.
“Sakancan pamargin kauripan Ida Pedanda Madé
Sidemen, ida critayang ring gaguritan Salampah Laku.
Ring gaguritan inucap, ida nénten wantah ngangken
raga malajah ring pamargin kauripan idané, kéwanten
majalaran antuk gaguritan Salampah Laku, ida taler
micayang ajah-ajah majeng pangwacén parindik pa-
margin urip sané prasida kadadosang guru, miwah mi- wilsontirta.com
cayang panyawis majeng sakancan pakibeh kauripan manusané,” baos Prof. Dr. I Nyoman Suarka,
M.Hum., guru besar Fakultas Sastra dan Budaya, Universitas Udayana.
Dané ngwewehin, napi sané kagurat ring gaguritan Salampah Laku puniki sujatinné nénten
ja ngenénin paridikan pangawi kéwanten, daging gaguritan inucap patutné prasida kadadosang
sasuluh lan nepasin sakancan pikobet majeng krama Bali siosan, sané marasa ring déwék tiwas,
lan belog. Yéning i raga marasa ring padéwékan tiwas patut mautsaha ngawigunayang napi sané
wénten tur yéning marasa belog kayun maguru. Silih tunggilné maguru ring gaguritan Salampah
Laku kakawian Ida Pedanda Madé Sidemen-né.
Indik abotnyané gaguritan Salampah Laku puniki kacumpuin olih Ida Bagus Gedé Agastia,
silih tunggil Peneliti Sastra Klasik Bali.
“Yéning pacang neliti karya sastra kakawian Ida Pedanda Madé Sidemen, patut ngwacén ge-
guritan Salampah Laku idané, duaning ring gagurintan punika Ratu Peranda ngurat indik katatwan,
pamargin lan kawéntenan idané. Geguritan Salampah Laku mabuat pisan pinaka sarana ngranjing
ka daging karya-karya sastra idané,” kénten Ida Bagus Gedé Agastia nguningayang.

Pidabdab 3 Kerta Basa

Wusan ngwacén indik orti bali ring tivi ngiring rereh wirasan krunané ring sor puniki !

UDIANA SASTRA Gatra Bali 59