Page 38 - testmergebrochureV1004

Leider ass et dann nom éischte Weltkrich, wou sech op eemol zwou
verschidde politesch Richtungen «dee Rout an déi Schwaarz» zu
Leideleng erëmfonnt hunn, zu engem Eclat koum well et verschidde
Veräiner duebel gi sinn. An hei war d'Musek och net dovu
verschount bliwwen. Aus dem Gesangsveräin «Unioun» war eng
zweet Musek entstanen an et ass dunn 1921 bei Geleeënheet vun
der Pressessioun op Härläïchendag zu Stéierunge koum. De
deemolege Paschtouer den Här August Gemen, huet du vun der
Kanzel erof gepriedegt datt et, wéi an aneren Dierfer, Brauch a Sitt
wir sech ënnert de Gesellschaften ze verstoen an net ze
rivaliséieren. Méi loosse mer mol nees e bëssen an der Geschicht
zréck goen an d'Joer 1896.

E Fändel muss eng Musek hunn, an dëse Wonsch konnt 1896
schonns an Erfëllung goen. Dëst konnt nëmmen duerch Kollekten a
fräiwëlleg Spende geschéien. Hie war dräieckeg an aus brong-
roudem Samett! A gëllene Buschtawe stoung drop geschriwwen
«Fanfare de Leudelange 1896 ». A bei der der Aweiung sinn
d'Musikanten dann och mat schéine Kapen
vun der Museksgesellschaft opmarschéiert.

Am Mee 1914 gouf et dunn e neie Fändel,
an d' Feier vun der Aweiung vum Fändel ass
um Virowend duerch e Fakelzuch duerch
d'Duerf ageleet ginn.

Fändel 1914

Am Joer 1948 nodeems de Fändel vun den Däitsche während dem
Krich beschlagnahmt gi war, awer nom Krich an engem miserabelen
Zoustand erëmfonnt gi ass, gouf beschloss fir een neien ze kréien.
Déi festlech Aweiung vum Fändel wor an deem selwechte Joer den
10 September.