Page 177 - 10-Жаҳон тарихи метод ўзбек

@edurtm_uz

Respublika
ta’lim markazi
Darsning maqsadi: Ikkinchi jahon urushidan keyin Lotin Amerikasi mamlakatlarining
o‘ziga xos modernizatsiyalash variantlarini tushuntirib berish.
Darsda shakllantiriladigan tayanch bilimlar: Kuba, Chili va Meksika davlatlarining
o‘ziga xos rivojlanish yo‘lini tushuntirib berish; aniq dalillar va ko‘rgazmali vositalar
yordamida ijtimoiy jarayonlarni ko‘rsatib berish; urush nizolarni hal qilishning asosiy
vositasi bo‘la olmasligiga alohida e’tibor qaratish.
Darsdan kutiladigan natijalar:
• o‘quvchi harbiy rejim, agrar-industrial mamlakat, neokonservativ, “Karib inqirozi” kabi
tushunchalarning mohiyatini tushunib oladi;
• Kuba, Chili va Meksika davlatlarining iqtisodi haqidagi tarixiy faktlarni bilib oladi; METODIK QO‘LLANMA
• topshiriqlarni bajarish jarayonida Kuba, Chili va Meksika davlatlari bilan bog‘liq
maʼlumotlardan foydalana oladi;
• inqiloblar bilan bog‘liq muhim ko‘rsatkichlarni umumlashtiradi;
• urush orqali nizolarni bartaraf etib bo‘lmasligi haqidagi fikrga o‘zining mustaqil
METODIK QO‘LLANMA
munosabatini bildiradi.
Darsning borishi:
I. Faollashtiruvchi bosqich.
1-topshiriq. O‘zlashtirilgan bilimlarni takrorlash. O‘qituvchi o‘quvchilarga avval
o‘zlashtirilgan bilimlari asosida “Ikkinchi jahon urushida Lotin Amerikasi mamlakatlari
ishtiroki” mavzusida erkin yozish topshirig‘ini beradi.
II. Asosiy bosqich.
2-topshiriq. Kuba, Chili va Meksika mamlakatlarini dunyo siyosiy xaritasidan ko‘rsa-
ting.
3-topshiriq. Dars mazmunining qisqacha tavsifi.
1959-yil 1-yanvar kuni Fidel Kastro boshchiligidagi qoʻzgʻolonchilar Gavanaga kirib
kelishdi, inqilob gʻalaba qozondi. F. Kastro hukumati faqat keskin sifat oʻzgarishi Kubani
qoloqlikdan olib chiqadi, jamiyatni taraqqiyotning zamonaviy darajasiga koʻtaradi deb
oʻylab, keskin ijtimoiy-iqtisodiy siyosatni amalga oshirdi. AQSHning Kubadagi yangi
hukumatga dushmanlarcha munosabati aniq boʻlgach, F. Kastro hukumati SSSR bilan
kelishuv orqali mamlakat mudofaa qudratini mustahkamlay boshladi. Bu esa 1962-yilgi
“Karib inqirozi”ga olib keldi.
4-topshiriq. Mulohaza uchun savollar.
1. Nima uchun Kuba SSSR bilan yaqinlashuv yo‘lini tanladi? Sabablarini izohlang.
2. AQSH bu jarayonda qanday yo‘l tutdi?
5-topshiriq. Lotin Amerikasi mamlakatlari uchun xos bo‘lgan modernizatsiyalashning
uchta – inqilobiy, neokonservativ va islohotchilik variantlarini o‘zaro taqqoslang.

1-jadval

T/r Modernizatsiya varianti O‘ziga xos jihatlari

1 Inqilobiy

2 Neokonservativ

3 Islohotchilik

177